is Íslenska en English

Lokaverkefni (Bakkalár)

Háskóli Íslands > Menntavísindasvið > B.A./B.Ed./B.S. verkefni - Menntavísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/35019

Titill: 
  • „...æfa saman eitthvert lag eða syngja kvæði.“ : um gildi kórstarfs með börnum
Námsstig: 
  • Bakkalár
Útdráttur: 
  • Til hvers?
    Þegar finna á uppeldislegar forsendur fyrir kórstarfi með börnum, er eðlilegt að hefja leitina í því riti sem helst hefur að geyma uppeldislegar réttlætingar: Aðalnámsskrá grunnskóla.
    Í kaflanum um tónmennt í Aðalnámsskránni stendur eftirfarandi: "Kórstarf er þroskandi og mannbætandi fyrir nemendur á mótunaraldri" (1989:168) Þetta er fyrsta röksemdin af fjórum sem nefndar eru til réttlætingar kórstarfi í grunnskóla. Þessi fullyrðing kallar á spurningu: Hvað er það við kórstarf sem er svona þroskandi og mannbætandi? Fullyrðing sem þessi segir ekki margt og er fremur yfirborðsleg. Hún minnir á slagorðið "mjólk er góð". Setningin gefur til kynna að kórstarf sé eitthvað jákvætt en lesandinn er engu nær um það hvað í kórstarfi er svona jákvætt né hvers vegna.
    Fjölmargir virðast þó geta tekið undir þessa fullyrðingu án frekari rökstuðnings. Þess vegna langar mig að byrja á að draga fram röksemdir sem gætu stutt hana. Ég ætla að skoða hvaða uppeldisleg gildi það eru sem felast, eða geta falist í kórstarfi og vonast þannig til að finna forsendur fyrir fullyrðingunni í Aðalnámskránni.
    Hvernig réttlæta þau starfsemi sína?
    Á landinu eru starfræktir fjölmargir barnakórar, bæði í kirkjum og grunnskólum. Svo virðist sem þetta starf hafi farið vaxandi undanfarið, sérstaklega í kirkjunum. Aðstandendur og stjórnendur þessara kóra hafa án efa allir trú á gildi þessarar starfsemi. Það er hinsvegar líklegt að forsendur þeirra séu ekki allar hinar sömu. Að baki geta legið mjög ólík sjónarmið og tilgangur og markmið geta verið af ýmsu tagi.
    Til þess að gera mér betur grein fyrir hvernig þetta birtist í raunveruleikanum heimsótti ég tvo stjórnendur barnakóra á höfuðborgarsvæðinu, ræddi við þá og fékk að fylgjast með þeim að störfum.
    Kaflinn hefur að geyma hlutlausar upplýsingar um kórana og stjórnendur þeirra. Upplýsingarnar eru byggðar á viðtölum við stjórnendurna. Í viðtölunum koma fram markmið þeirra og áherslur í starfi ásamt mati þeirra á gildi kórstarfs. Ég reyni síðan að bera þessa kórstjóra saman, annarsvegar í ljósi þeirra markmiða sem þau sjálf setja fram og hinsvegar með hliðsjón af því margþætta uppeldislega gildi sem kemur fram í I. kafla.
    Samantekt.
    Þriðji og síðasti kaflinn er nokkurs konar samantekt en þar reyni ég líka að varpa nýju ljósi á það sem fram er komið. Í þeim tilgangi lýsi ég viðhorfi heimsspekingsins og tónlistarmannsins B. Reimers til tónistarkennslu í tengslum við tónlistarflutning en undir þann hatt fellur einmitt kórstarf.

Samþykkt: 
  • 5.3.2020
URI: 
  • http://hdl.handle.net/1946/35019


Skrár
Skráarnafn Stærð AðgangurLýsingSkráartegund 
Æfa saman eitthvert lag_B.Ed.1992.pdf12.38 MBOpinnHeildartextiPDFSkoða/Opna