Ákvörðun refsingar fyrir manndráp af ásetningi. Könnun á nýlegum dómum Hæstaréttar og Landsréttar með hliðsjón af refsiákvörðunarástæðum

Abstract

Í ritgerðinni er fjallað um ákvörðun refsingar fyrir brot gegn 211. gr. almennra hegningarlaga nr. 19/1940. Kannaðar eru helstu refsiákvörðunarástæður sem dómurum er heimilt eða ber að líta til í refsimati og verður að mestum hluta stuðst við nýlegar dómsúrlausnir vegna brota gegn 211. gr. hgl. sem hafa komið til kasta Hæstaréttar og Landsréttar.Í 2. kafla verður farið yfir ákvæði 211. gr. hgl., forsögu þess og þróun. Í 3. kafla verður umfjöllun um ákvörðun refsingar gerð skil, meðal annars með hliðsjón af ásetningsstigi og einnig verða helstu refsiákvörðunarástæður kannaðar. Í 4. kafla verður farið með gagnrýnum hætti yfir rökstuðning dóma Hæstaréttar og Landsréttar um ákvörðun refsingar og loks er samantekt og lokaorð ritgerðarinnar að finna í 5. kafla.