is Íslenska en English

Lokaverkefni (Bakkalár)

Háskóli Íslands > Félagsvísindasvið > B.A./B.Ed./B.S. verkefni - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/35092

Titill: 
  • Samanburður á réttarstöðu aðalskuldara og ábyrgðarmanna samkvæmt kröfuábyrgð og réttarstöðu tjónvalda samkvæmt skaðabótaábyrgð
Námsstig: 
  • Bakkalár
Útdráttur: 
  • Í ritgerð þessari verður kannað hver réttarstaða aðalskuldara og ábyrgðarmanna er samkvæmt kröfuábyrgð og réttarstaða tjónvalda sem bera sameiginlega ábyrgð á tjóni. Athugað verður hvenær aðalskuldarar og ábyrgðarmenn bera óskipta ábyrgð og hvenær þeir bera skipta ábyrgð, gagnvart kröfuhafa og innbyrðis. Til að byrja með er fjallað almennt um kröfuábyrgð og skaðabótaábyrgð og hvernig stofnað er til slíkra ábyrgða. Í þriðja kafla er fjallað um sjálfskuldarábyrgð og einfalda ábyrgð, sem eru helstu tegundir kröfuábyrgða. Greint er frá því hvernig stofnast til slíkra ábyrgða og muninum á greiðsluskyldu ábyrgðarmanna út frá því um hvora tegundina ræðir.
    Í upphafi fjórða kafla er gerð grein fyrir hugtakinu óskipt ábyrgð sem kaflinn fjallar um. Umfjöllunin er tvíþætt eftir því hvort um ræðir kröfuábyrgð eða skaðabótaábyrgð. Til að byrja með er fjallað um óskipta ábyrgð milli aðalskuldara gagnvart kröfuhafa. Því næst er tekið til skoðunar samband aðalskuldara og ábyrgðarmanns gagnvart kröfuhafa. Að því loknu er fjallað um óskipta ábyrgð þegar ábyrgðarmenn eru tveir eða fleiri en í slíkum tilfellum er talað um samábyrgðarmenn. Fjallað er um hvernig kröfuhafi getur fengið kröfu sína greidda og hvern hann getur krafið um greiðslu. Tekið er til skoðunar hvort að ábyrgðarmaður sem greiðir kröfu öðlist endurkröfurétt á hendur aðalskuldara eða samábyrgðarmönnum. Þá er einnig fjallað um óskipta skaðabótaábyrgð þegar bótaábyrgir eru tveir eða fleiri. Það er meginregla í skaðabótarétti að séu tveir eða fleiri bótaábyrgir bera þeir óskipta ábyrgð gagnvart tjónþola. Í því felst að tjónþoli getur krafið hvern þeirra um sig um alla fjárhæðina. Þegar einn þeirra bótaábyrgu hefur greitt alla fjárhæðina stendur þó eftir innbyrðis uppgjör milli þeirra. Því næst er tekið til skoðunar hvernig skipta beri greiðslu skaðabóta milli þeirra bótaábyrgu.
    Í fimmta kafla er fjallað um skipta ábyrgð. Skipt ábyrgð er þegar tveir eða fleiri ábyrgðarmenn ábyrgjast einungis hluta skuldarinnar. Umfjölluninni er einnig skipt upp eftir því hvort um ræðir kröfuábyrgð eða skaðabótaábyrgð. Það er meginregla í kröfurétti að samábyrgðarmenn eru taldir ábyrgjast kröfu að hluta, þ.e. pro rata, nema annað komi fram í samningi, leiði af lögum eða af venju. Fjallað er um skipta ábyrgð milli aðalskuldara og hvernig réttarsambandi kröfuhafa, aðalskuldara og ábyrgðarmönnum er háttað þegar ábyrgðarmenn ábyrgjast greiðslu að jöfnum hlut. Að lokum er svo vikið að skiptri skaðabótaábyrgð.

Samþykkt: 
  • 27.4.2020
URI: 
  • http://hdl.handle.net/1946/35092


Skrár
Skráarnafn Stærð AðgangurLýsingSkráartegund 
BA-ritgerð.pdf343.5 kBLokaður til...01.05.2025HeildartextiPDF
Undirrituð yfirlýsing um meðferð lokaverkefnis.pdf238.53 kBLokaðurYfirlýsingPDF