Staða og hlutverk stjórnskipunar- og eftirlitsnefndar Alþingis: Eftirlitsúrræði gagnvart sjálfstæðum stjórnvöldum

Abstract

Í ritgerð þessari er leitast við að varpa ljósi á eftirlitsúrræði stjórnskipunar- og eftirlitsnefndar Alþingis gagnvart framkvæmdarvaldinu, með sérstakri áherslu á sjálfstæð stjórnvöld, ásamt umfangi þeirra og takmörkunum í samanburði við heimildir nefndarinnar gagnvart ráðherra. Þá er því lýst hvernig eftirlitshlutverk þingnefnda Alþingis var styrkt í kjölfar efnahagshrunsins 2008. Þannig er í upphafi fjallað með almennum hætti um þingeftirlit. Þá er fjallað um stöðu og hlutverk stjórnskipunar- og eftirlitsnefndar og í kjölfarið vikið að eftirlitsúrræðum nefndarinnar frá almennu sjónarhorni og fjallað stuttlega um beitingu þeirra. Loks er fjallað um sérstöðu sjálfstæðra stjórnvalda gagnvart þingeftirliti og rannsakað hvernig eftirlitsúrræðum stjórnskipunar- og eftirlitsnefndar verður beitt auk þess sem varpað er ljósi á mál sem komið hafa upp í því sambandi og álitamál sem tengjast mörkum eftirlitsvaldsins.