"Það er bara partur af vinnunni": Um áhættustýringu vegna veðurs hjá Landsneti hf.

Abstract

Vinna við raforkuflutningskerfi Landsnets hefur í för með sér margskonar áskoranir og áhættu. Um er að ræða vinnu í mikilli hæð, í misjöfnum veðrum og í kringum háspennt rafmagn. Markmið Landsnets er að allir starfsmenn skili sér heilir heim á sál og líkama í lok hvers vinnudags. Mikil áhersla er lögð á öryggi og áhættustýringar samhliða rekstraröryggi hjá Landsneti og eru þessi atriði umfjöllunarefni ritgerðarinnar. Um er að ræða eigindlega rannsókn sem byggir á reynslu og upplifun sex aðila sem upplifðu óveðrin sem gengu yfir Ísland í byrjun desember ársins 2019 til loka febrúar ársins 2020. Viðmælendur voru fjórir starfsmenn Landsnets og tveir samstarfsaðilar fyrirtækisins. Markmiðið með rannsókninni var að skoða áhættustýringu, ferla og viðbrögð við veðurviðvörunum á Íslandi. Niðurstöður rannsóknarinnar gefa til kynna að hjá Landsneti sé mikill metnaður og að til staðar sé kerfisbundinn undirbúningur til þess að tryggja rekstraröryggi raforkuflutningskerfisins í landinu. Mikill viðbúnaður er til staðar sem og þekking til að tryggja raforkuöryggi. Lykilorð: Óveður, veðurviðvaranir, áhætta, áhættustýring, Landsnet, verkefnastjórnun.