Ný-lýðhyggja: Er hún frábrugðin hefðbundinni lýðhyggju og á hvaða hátt?

Abstract

Lýðhyggja er loðið hugtak sem erfitt er að skilgreina, það er hins vegar rauð lína sem rennur í gegnum flestar skilgreiningar. Lýðhyggja er hugmyndafræði, orðræða eða heimssýn sem skiptir samfélaginu í tvo hópa: fólkið í landinu og elítan. Lýðhyggja heldur því fram að það sé fólkið í landinu sem eigi að ráða en ekki elítan. Síðastliðinn ár hefur hugtakið – „ný-lýðhyggja“ verið áberandi og telja sumir að það sé frábrugðið hefðbundinni lýðhyggju. Gerð hefur verið grein fyrir ýmsum einkennum ný-lýðhyggju sem fræðimenn telja að geri hana frábrugðna hefðbundinni lýðhyggju og þau síðan borin saman við tilvik frá rómverska lýðveldinu. Í ljós kemur að hægt er að finna fjölda af birtingarmyndum þessara einkenna á tímum rómverska lýðveldisins en sum þeirra eiga sér enga hliðstæðu. Greinarmunur er gerður á breytingum á heimsvísu og breytingum á lýðhyggju þar sem ekki er hægt að tala um breytingar á borð við hnattvæðingu sem einkenni ný-lýðhyggju. Það sem er frábrugðið eru boðskipti á milli almennings og ný-lýðhyggju leiðtoga ásamt breytingum á lengd áhrifa ný-lýðhyggju. Það er þó óljóst hvort að munurinn sé það mikill að þörf sé á því að tala um lýðhyggju sem tekur til sín þessar breytingar sem ný-lýðhyggju.