en English is Íslenska

Thesis University of Iceland > Félagsvísindasvið > Meistaraprófsritgerðir - Félagsvísindasvið >

Please use this identifier to cite or link to this item: http://hdl.handle.net/1946/3523

Title: 
  • is Drekkt af sundlaugarverðinum: Kynferðisofbeldi af hálfu friðargæsluliða
Abstract: 
  • is

    Undanfarin ár hafa ítrekað komið upp atvik þar sem friðargæsluliðar eru sakaðir um kynferðisofbeldi gagnvart stríðshrjáðum konum og börnum sem þeim er ætlað að vernda.
    Í ritgerðinni er því spurt: Hver er réttur kvenna og barna á friðargæslusvæðum gagnvart kynferðisofbeldi af hálfu friðargæsluliða? Í kjarna þeirrar spurningar felst skoðun á því hvaða reglur gilda um framferði friðargæsluliða og hvernig þeim er framfylgt, hvort og þá hvernig þeir eru dregnir til ábyrgðar fyrir kynferðisofbeldi og hvernig réttarkerfið snýr að þolendum ofbeldisins.
    Til að svara þessum spurningum er í fyrsta lagi veitt yfirsýn yfir þau réttindi sem þjóðarétturinn veitir almennt hvað varðar vernd gegn kynferðisofbeldi á átakasvæðum. Þá er veitt innsýn í lagalega sérstöðu friðargæsluliða og friðargæslan skoðuð sérstaklega út frá almennu kynjasjónarmiði.
    Næst er fjallað um eðli og umfang kynferðisofbeldis af hálfu friðargæsluliða. Gefið er yfirlit yfir hvernig glæpir af þeirra hálfu hafa komist upp á yfirborðið fyrir tilstuðlan óháðra félagasamtaka og fjölmiðla og reynt að gefa þannig innsýn í hvert raunverulegt umfang ofbeldisins er þar sem réttarframkvæmd gerir það ekki.
    Farið er yfir hvað felst í kynferðisofbeldi eins og skrifað er um það í ritgerðinni. Fjallað er um hvernig hugtakið er skilgreint og hvað fellur undir skilgreininguna samkvæmt stefnu SÞ.
    Þá er fjallað um hvernig fyrirbyggja má brotin eftir mismunandi leiðum. Ein þeirra leiða er sú að berjast gegn refsileysi en vegna þess hvað það er flókið í þessum málum er sérstakur kafli helgaður þeirri baráttu. Réttur þolenda er skoðaður sérstaklega og meðal annars farið yfir hið sívaxandi vandamál sem er réttarstaða barna friðargæsluliða og mæðra þeirra.
    Að lokum er farið yfir íslenskan rétt sem gildir um kynferðisofbeldi friðargæsluliða og athugað hvort fullnægjandi reglur gilda.

Accepted: 
  • Sep 7, 2009
URI: 
  • http://hdl.handle.net/1946/3523


Files in This Item:
Filename Size VisibilityDescriptionFormat 
MASTERINN_fixed.pdf606.98 kBOpenHeildartextiPDFView/Open