,,Frelsi felur í sér forgang mannréttinda um allan heim": Mannfræðileg sýn á alþjóðleg mannréttindi

Abstract

Í þessari ritgerð verður kafað í hugmyndina um alþjóðleg mannréttindi í mannfræðilegu samhengi. Það er, hugmyndina um að hver einasti jarðarbúi eigi sem einstaklingur tilkall til ákveðinna réttinda óháð búsetu, aldri, kyni, stétt eða öðrum utanaðkomandi þáttum. Leitast verður við að setja hugmyndina um mannréttindi í sögulegt, félagslegt og ekki síður pólistískt samhengi með það að markmiði að varpa ljósi á mannréttindahreyfinguna í þeirri mynd sem hún er í dag. Tilgangur ritgerðarinnar er að skoða mannréttindi á óhefðbundinn hátt og líta á eitthvað sem auðvelt er að taka sem sjálfsögðum eða jafnvel óumflýjanlegum staðreyndum með gagnrýnum augum mannfræðinnar.Ritgerðinni er skipt í tvo hluta. Sá fyrri fjallar um sögu lagalegrar mannfræði. Í honum verður farið yfir helstu hugmyndir mannfræðinga um lög með áherslu á hugmyndina um jafnrétti frammi fyrir lögum. Í seinni hluta ritgerðarinnar verður mannréttindahugtakinu gerð skil. Þar verður farið yfir það helsta sem mannfræðingar hafa lagt til umræðunnar um mannréttindahreyfinguna og að lokum hvernig aðferðir mannfræðinnar geta sett mark sitt á hana.Lykilorð: mannfræði, lög, mannréttindi, menning, alþjóðleiki, hnattvæðing

In this thesis the concept of universal human rights will be explored through the conceptual lens of anthropology. That is, the idea that all human beings have as individuals a set of unconditional and inalienable rights regardless of their place of birth, residency, age, sex, status or any other factors. The idea is to place the concept in its historical, social and, just as importantly, political context in order to shed light on the practice of human rights in it modern image. The purpose of this thesis is to view human rights in a non-traditional manner and to use anthropology to obtain a deeper understanding of a concept that is often taken for granted. The text is divided into two main chapters. In the first chapter, the history of legal anthropology will be reviewed along with its key concepts, with an emphasis on equality before the law. In the second chapter, the concept of human rights will be defined, followed by an anthropological approach which explores ideas on how anthropology can contribute to the practice and furthering a critical understanding of human rights.Keywords: anthropology, law, human rights, culture, universalism, globalization