is Íslenska en English

Lokaverkefni (Bakkalár)

Háskóli Íslands > Heilbrigðisvísindasvið > B.S. verkefni - Heilbrigðisvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/35358

Titill: 
  • Teymisvinna á hjúkrunarheimilum: Fræðileg samantekt
Námsstig: 
  • Bakkalár
Leiðbeinandi: 
Útdráttur: 
  • Bakgrunnur: Öldruðum er að fjölga mikið um allan heim og standa því hjúkrunarheimili frammi fyrir auknum áskorunum. Öldrun fylgir ýmis konar hrörnun, sem krefst viðeigandi umönnunar. Þar sem þarfir aldraðra eru fjölbreytilegar og þeir eru margir er mikilvægt að nálgast hjúkrun þeirra með mismunandi hætti. Stór hluti heilbrigðisþjónustunnar fer fram á hjúkrunarheimilum og er því mikið í húfi fyrir heilbrigðiskerfið að skilvirkni á hjúkrunarheimilum sé sem best. Mönnun og notkun á mannauði skiptir þar sköpum og er starf hjúkrunarfræðinga grundvallarþáttur í rekstri hjúkrunarheimila. Samkvæmt rannsóknum fylgjast að gæði hjúkrunar og góð teymisvinna. Með hugtakinu teymisvinna er átt við samvinnu nokkurra aðila með tiltekin verkefni og ákveðinn tilgang og markmið.
    Tilgangur: Þetta verkefni er fræðileg samantekt með það að markmiði að varpa ljósi á þekkingu á teymisvinnu á hjúkrunarheimilum.
    Aðferð: Kerfisbundin heimildaleit fór fram á tímabilinu febrúar til apríl 2020. Leit fór fram í gagnagrunnunum PubMed og Scopus. Áhersla var lögð á rannsóknir á ensku eða íslensku, sem birtar voru á tímabilinu 2010 til 2020. Við greiningu á heimildum var stuðst við PRISMA flæðirit.
    Niðurstöður: Niðurstöður heimildaleitar og greiningar eru byggðar á fjórum rannsóknum þar sem teymisvinna í hjúkrun er skoðuð. Samantektin er byggð á rannsóknum frá Bandaríkjunum, Noregi og Sviss, en engin heimild fannst um teymisvinnu á hjúkrunarheimilum á Íslandi. Niðurstöður rannsókna benda til þess að teymisvinna á hjúkrunarheimilum sé ekki síður gagnleg en teymisvinna á sjúkrahúsum. Niðurstöður sýna sterk tengsl gæða og mikillar áherslu á teymisvinnu. Stöðugleiki starfsmanna í teymi er mikilvægur og nauðsynleg forsenda fyrir árangur teymis. Góð teymisvinna er mikilvægur þáttur í starfsánægju.
    Ályktun: Niðurstöður þessarar samantektar benda til þess að teymisvinna á hjúkrunarheimilum sé nánast órannsökuð. Þær fáu rannsóknir sem fundust eru samhljóma um nytsemi teymisvinnu á hjúkrunarheimilum og mikilvægi hennar fyrir gæði og öryggi þjónustunnar.
    Lykilorð: Teymisvinna, hjúkrunarheimili, aldraðir einstaklingar

  • Útdráttur er á ensku

    Background: The elderly population is growing in size all over the world. With age comes a certain deterioration that calls for increased long term care. As a result, nursing homes face increasing challenges. The elderly are a heterogeneous group and therefore it is necessary to allow for a variety of nursing approaches. As the nursing homes form a large share of the health system, the efficiency of the nursing homes is of great importance. Staffing and the use of human resources are crucial because the work of nurses is a fundamental element in the operation of nursing homes. According to research, there is a correlation between the quality of care and good teamwork. The term teamwork refers to the cooperation of several parties with specific tasks as well as common goals and objectives.
    Purpose: This systematic review aims to shed light on the knowledge of teamwork in nursing homes.
    Method: A systematic literature search was performed for the period February-April 2020. Search was performed using the databases PubMed and Scopus. An emphasis was on articles published in English or Icelandic in the period 2010-2020. PRISMA flowchart was used to analyse the references.
    Results: The analysis of this literature review is based on four studies where the concept of nursing teamwork is investigated. The review is based on research from The United States, Norway, and Switzerland. No study was found on nursing teamwork in Icelandic nursing homes. The findings suggest that teamwork in nursing homes is at least as useful as teamwork in hospitals. Findings show strong association between quality and emphasis on teamwork. Team stability is an important and necessary prerequisite for team success. Effective teamwork is an important factor for job satisfaction.
    Conclusion: The findings of this literature review indicate that teamwork in nursing homes is rarely studied. However, the few studies on teamwork in nursing homes identified are in concordance confirming the usefulness of teamwork and its importance for the quality and safety of the service.
    Keywords: Teamwork, nursing homes, elderly people

Samþykkt: 
  • 18.5.2020
URI: 
  • http://hdl.handle.net/1946/35358


Skrár
Skráarnafn Stærð AðgangurLýsingSkráartegund 
Teymisvinna-á-hjúkrunarheimilum-LokaverkefniAH-BJ1.pdf580.7 kBOpinnHeildartextiPDFSkoða/Opna
Yfirlýsing.pdf1.35 MBLokaðurYfirlýsingPDF