Hvert orð gerir skugga. Ávarps- og virðingarform í slóvakískri þýðingu á völdum köflum úr Skuggasundi eftir Arnald Indriðason.

Abstract

Þessi ritgerð er lokaritgerð til BA-prófs í Íslensku sem öðru máli við Háskóla Íslands. Ritgerðin, sem er í tveimur meginhlutum, byggist á slóvakískri þýðingu á þremur köflum úr íslensku glæpasögunni Skuggasund eftir Arnald Indriðason; þetta eru kaflar 6, 22 og 29. Fyrri hlutinn er fræðilegur og er í fjórum köflum. Í fyrsta kafla er höfundurinn kynntur, bók hans og slóvakíska þýðingin á hluta af bókinni. Í öðrum og þriðja kafla er rætt um aðalviðfangsefni ritgerðarinnar sem varðar þýðingarleg vandamál sem snúa að virðingarformum persónufornafna og menningarlegum mun á notkun þessara forma. Í fjórða kafla eru lokaorð. Seinni hlutinn er sjálf þýðingin.Vandamálunum sem við blöstu má skipta í þrennt. Fyrst ber að nefna þau málfræðilegu enda íslenska og slóvakíska ólík mál. Í öðru lagi beinast þau að málsniðinu en lokum eru þau sem kallast menningarbundin. Hafa ber í huga að tvö þau síðarnefndu tengjast saman á ýmsan hátt.