Matarhátíð í Skagafirði

Abstract

Eftirfarandi greinargerð er um meistaraverkefni mitt í hagnýtri menningarmiðlun við Háskóla Íslands. Hún fjallar annars vegar um matarhátíðir almennt og Skagafjörð út frá matarmenningu og matvælaframleiðslu. Hins vegar fjallar greinagerðin um miðlunarhluta verkefnisins sem felur í sér undirbúning, gerð og vinnslu vefsíðunnar Matarhátíð í Skagafirði ásamt fimm stuttum uppskriftamyndböndum. Upphaflega átti matarhátíðin að vera haldin með hefbundnu sniði en í ljósi aðstæðna vegna Covid-19 faraldursins var ákveðið að hafa hátíðina alfarið á vefnum. Markmið verkefnisins er að kanna hvernig megi nota matarhátíðir og upplifanir til að efla matartengda ferðaþjónustu ásamt því að varpa ljósi á matvælahéraðið Skagafjörð í gegnum stafræna matarhátíð.