Áhrif fangelsunar einstaklings á maka og börn. Vistfræðileg nálgun

Abstract

Í þessari ritgerð er fjallað um áhrif fangelsunar einstaklings á börn hans og maka. Horft er til áherslunnar á heildarsýn í starfi félagsráðgjafa og notkunar á kerfiskenningum í vinnu með nánustu aðstandendum fanga. Litið er til mikilvægis stimplunarkenningarinnar þegar kemur að því að bera betur kennsl á áðurnefnd áhrif. Rannsóknir hafa leitt í ljós hin ýmis skaðleg áhrif fangelsunar einstaklings á börn hans á maka, þar á meðal fjárhags- og félagsleg áhrif, náms- og hegðunarörðugleika og aukið álag á það foreldri sem eitt fer með umsjón barns meðan hitt foreldrið er í fangelsi. Gert verður grein fyrir þessum áhrifum samhliða því að bera kennsl á áherslur í íslenskum lögum sem ætla má að stuðla eigi að aukinni velferð fjölskyldna. Niðurstöður þessarar ritgerðar sýna fram á mikilvægi ýmissar þjónustu? og stuðning fyrir aðstandendur fanga til þess að draga úr þeim skaðlegu áhrifum sem fangelsun einstaklings getur haft á aðstandendur hans og stuðla þannig að aukinni velferð nánustu aðstandenda fanga. Lykilhugtök: Áhrif fangelsunar einstaklings á maka hans og börn, vistfræðileg nálgun, velferð fjölskyldunnar, stuðningur við fjölskyldur.