Eru fagfjárfestasjóðir góð fjárfesting?

Abstract

Viðfangsefni þessa lokaverkefnis er að skoða uppbyggingu fagfjárfestasjóða og störf sjóðstjóra slíkra sjóða. Til þess framkvæmdi höfundur eigindlega rannsókn og lagði fimm spurningar fyrir sjóðstjóra í stærstu rekstrarfélögum á Íslandi. Markmið rannsóknarinnar var að öðlast dýpri skilning á fagfjárfestasjóðum, störfum sjóðstjóra og auk þess að kanna hvort fagfjárfestasjóðir séu góð fjárfesting og þá fyrir hverja.Farið var yfir helstu störf sjóðstjóra þegar kemur að stýringu slíkra sjóða, einkum því hvernig að þóknunum sé staðið, líftíma fagfjárfestasjóða og hvort það sé auðvelt fyrir fagfjárfesta að fara inn og út úr lokuðum fagfjárfestasjóðum. Þá var farið yfir aðferðafræði við verðmat á undirliggjandi eignum og hvernig upplýsingaflæði til fagfjárfesta um stöðu sjóðanna sé háttað. Í lokin var farið yfir helstu áskoranir við að stýra fagfjárfestasjóðum.