Vörumörkun og aðdráttarafl Íslands. Framlag Íslandsstofu

Abstract

Meginmarkmið þessarar ritgerðar er að varpa ljósi á að hvaða leyti Íslandsstofa vörumarkar Ísland á alþjóðavettvangi. Fræðilegur hluti ritgerðarinnar vefur saman hugtökin mjúkt vald, almannadiplómatíu og vörumörkun lands og þjóðar. Efnislegi hluti ritgerðarinnar fjallar um þá þætti sem höfðu áhrif á ímynd Íslands á seinustu árum og hvernig Íslandsstofa notfærði sér þá auknu umfjöllun til að styrkja ímynd lands og þjóðar. Þá er farið yfir starfsemi og áherslur Íslandsstofu og hverjir markhópar Íslands á sviði ferðamála eru. Niðurstaða þessarar ritgerðar greinir frá því hvaða leiðir Íslandsstofa nýtir sér til vörumörkunar Íslands og hvaða áhrif það hefur haft á aðdráttarafl Íslands.