Kvenlögregla og siðferðismálin: Umræður 1900-1940.

Abstract

Í ritgerðinni er fjallað um hugmyndir um stofnun embættis kvenlögreglu í Reykjavík á árunum milli stríða, umræður sem sköpuðust í kringum það og siðferðismálin sem voru því nátengd. Fyrst var rætt opinberlega um málið á opnum fundi Bandalags kvenna í Reykjavík þann 24.september 1921 og varð það eitt af baráttumálum Bandalagsins að koma slíku embætti á laggirnar í Reykjavík. Í ritgerðinni er varpað ljósi á hvaða rökum var beitt fyrir stofnun þessa embættis og af hverju konur innan kvennahreyfingarinnar töldu nauðsyn á því. Einnig er umræðan um kvenlögreglu sett í samhengi við hugmyndir um samfélagslegt hlutverk kvenna og kvenímyndir og hvernig hugmyndir um starfssvið kvenlögreglunnar endurspegla það. Jafnframt eru hugmyndir kvenna hér á landi um starfssvið kvenlögreglu settar í samhengi við störf kvenlögreglu í öðrum löndum.