is Íslenska en English

Lokaverkefni (Bakkalár)

Háskóli Íslands > Félagsvísindasvið > B.A./B.Ed./B.S. verkefni - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/35573

Titill: 
  • Skólafélagsráðgjöf; staða félagsráðgjafa í íslensku skólakerfi.
Námsstig: 
  • Bakkalár
Efnisorð: 
Útdráttur: 
  • Helstu hlutverk félagsráðgjafa innan skólakerfisins eru að vera talsmenn nemenda og standa vörð um velferð þeirra. Hugmyndafræðileg nálgun í starfi skólafélagsráðgjafa byggir á heildarsýn og kerfiskenningum. Kerfishugsun felst í að leitast eftir að skýra þroska einstaklings út frá félagslegum áhrifum frá umhverfi hans í samspili við einstaklinginn sjálfan. Því geta félagsráðgjafar í skólum skipt miklu máli í lífi barna til að stuðla að alhliða þroska og námsframvindu.
    Viðfangsefni ritgerðarinnar snýr að félagsráðgjöf í grunnskólum á Íslandi með það að markmiði að varpa ljósi á helstu hlutverk félagsráðgjafa innan skóla. Leitast verður við að svara eftirfarandi rannsóknarspurningum: Hvert getur hlutverk skólafélagsráðgjafa verið í grunnskólum á Íslandi? og Hvernig geta félagsráðgjafar stutt við stuðningsúrræði grunnskóla til að stuðla að alhliða þroska og námsframvindu nemenda?
    Helstu niðurstöður sýna að félagsráðgjafar gætu stutt við stuðningsúrræði grunnskóla með kerfishugsun og heildarsýn að leiðarljósi. Sú nálgun í vinnulagi innan skóla er mikilvæg þegar um er að ræða börn í viðkvæmri stöðu. Með því að lögbinda stöður félagsráðgjafa í grunnskólum og þar með að tryggja öllum börnum aðgang að félagsráðgjöf innan skóla skiptir miklu máli fyrir heildarmynd þeirrar stuðningsþjónustu sem þegar er lögbundin í íslensku skólakerfi. Helstu hlutverk félagsráðgjafa innan skóla eru að sinna persónulegri ráðgjöf, forvörnum, mótun og þróun úrræða, foreldraráðgjöf og handleiðslu fyrir kennara og skólastjórnendur.
    Hagnýtingargildi ritgerðar liggur í því að sýna fram á mikilvægi þess að nemendur hafi aðgang að félagsráðgjöf og styrkja umræðu um lögbindingu á stöðu þeirra innan skóla.

Samþykkt: 
  • 22.5.2020
URI: 
  • http://hdl.handle.net/1946/35573


Skrár
Skráarnafn Stærð AðgangurLýsingSkráartegund 
ylfarosþorleifsdottir_LOKASKIL_21_05_2020.pdf980.84 kBLokaður til...27.06.2020HeildartextiPDF
Skemman yfirlýsing.jpg2.07 MBLokaðurYfirlýsingJPG