en English is Íslenska

Thesis University of Iceland > Félagsvísindasvið > Meistaraprófsritgerðir - Félagsvísindasvið >

Please use this identifier to cite or link to this item: http://hdl.handle.net/1946/3559

Title: 
  • Title is in Icelandic Áhrif Evrópusamstarfs á íslensk lyfjamál
Abstract: 
  • Abstract is in Icelandic

    Hér er fjallað um samstarf við Evrópusambandið (ESB) um lyfjamál á grundvelli
    samningsins um Evópska efnahagssvæðið (EES). Athugað er hvort samstarfið
    skili árangri og hvort hagkvæmast sé fyrir Ísland að halda óbreyttu ástandi þ.e.
    taka einungis þátt í ESB samstarfi á grundvelli EES samningsins eða hvort
    samningurinn sé ef til vill ekki fullnægjandi lausn þegar til lengri tíma er litið.
    Umfjöllun um lyfjamál hjá Lyfjastofnun og heilbrigðisráðuneyti er órjúfanlegur
    hluti íslenskrar stjórnsýslu og er hér leitast við að bregða upp grófri heildarmynd
    af samstarfi Íslands við ESB á grundvelli EFTA/EES samninga, en megin áhersla
    lögð á þá þætti sem snerta lyfjamál.
    Athugað er hvort kenning Peters Katzensteins um þvingunaráhrif Evrópusamruna
    samræmist reynslu af Evrópusamstarfi um lyfjamál. Samkvæmt þeirri kenningu
    eru smáríki þeim mun betur sett og finna minna fyrir þvingunum vegna
    Evrópusamruna eftir því sem þátttaka þeirra í Evrópusamstarfi er meiri.
    Þátttaka Íslands í ESB samstarfi um lyfjamál hefur leitt til betra aðgengis að
    nýjum og öflugum lyfjum og aukins upplýsingaréttar almennings um lyf.
    Samstarfið hefur einnig haft áhrif á íslenska stjórnsýslu, stuðlað að auknu
    sjálfstæði embættismanna og sennilega dregið úr álagi á íslenska stjórnsýslu,
    þegar á allt er litið. Ekki er unnt að halda því fram að Ísland hafi beinlínis fundið
    fyrir þvingunum án samstarfs við ESB. Fremur má telja að Ísland og Noregur hafi
    verið nokkuð afskipt og einangruð eftir að hin Norðurlöndin gengu í ESB og það
    eru vissulega takmarkandi þættir. Samstarf við ESB um lyfjamál hefur opnað
    ýmsa möguleika fyrir Ísland og orðið til hagsbóta. Full aðild að ESB myndi gera
    það í enn ríkari mæli.

Accepted: 
  • Sep 21, 2009
URI: 
  • http://hdl.handle.net/1946/3559


Files in This Item:
Filename Size VisibilityDescriptionFormat 
pd_fixed.pdf862.72 kBLockedHeildartextiPDF