Áhrif stýrðrar kennslu Engelmanns og fimiþjálfunar á lestrarfærni 10 ára drengs með ADD og almenna námsörðugleika

Abstract

Stýrð kennsla Engelmanns (e. Direct Instruction) er raunprófuð kennsluaðferð með það markmið að hjálpa grunnskólabörnum sem eiga í vanda með nám. Kennsluaðferðin er mikið rannsökuð og hefur sýnt fram á góðan árangur. Kennslan samanstendur af sýnikennslu (e. demonstrated method), kórsvörun bekkjar (e. Choral responding), tafarlausri endurgjöf (e. immediate feedback about the accuracy of respones) og styrkingu réttrar svörunar (e. reinforces accurate responding). Fimiþjálfun (e. Precision Teaching) er önnur raunprófuð kennsluaðferð og er oft notuð samhliða stýrðri kennslu. Fimiþjálfun er kerfisbundin leið til að þjálfa færni einstaklinga á öllum aldri óháð námsgrein og mælir framfarir svo færnin viðhaldist og vari áfram í hegðunarforða (e.repertoire) eftir að þjálfun er lokið. Markmið rannsóknarinnar var að athuga áhrif stýrðrar kennslu og fimiþjálfunar á lestrarfærni 10 ára drengs með ADD og almenna námsörðugleika við hljóðun lágstafa. Frammistaða þátttakanda jókst úr 54,3% í 77,1% milli grunnskeiðs- og eftirfylgdarmælinga.