is Íslenska en English

Lokaverkefni Háskóli Íslands > Félagsvísindasvið > Meistaraprófsritgerðir - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/3583

Titill: 
  • Val blindra og sjónskertra einstaklinga á námi og störfum
Útdráttur: 
  • Markmið rannsóknarinnar var að fá innsýn í reynslu blindra og sjónskertra nemenda af skólagöngu og afla þekkingar og skilnings á hvað hefur áhrif á val þeirra á námi og störfum að loknum grunn- og framhaldsskóla. Lögð var áhersla á að fá fram hvaða þættir það eru sem annars vegar hvettu til náms og hins vegar drægju úr því að þeir færu í áframhaldandi nám. Lykilþátttakendur rannsóknarinnar voru sjö blindir og sjónskertir einstaklingar á aldrinum frá tvítugu til rúmlega fertugs en einnig var rætt við sex fagaðila. Rannsóknin var unnin með eigindlegum rannsóknaraðferðum með opnum viðtölum. Reynsla þátttakenda af skólagöngu var mjög misjöfn hvað varðar veitta aðstoð og stuðning. Niðurstöður rannsóknarinnar sýna að þátttakendurnir velja sér nám og störf út frá áhugasviði sínu en blinda og sjónskerðing dregur úr fjölda starfa sem hægt er að velja úr og taka þarf tillit til mögulegra starfa að námi loknu. Það sem hvetur þátttakendurna til að fara í nám er að skapa sér fjölbreyttari og betri atvinnutækifæri. Flestir þátttakendurnir segja að láglauna störf á vernduðum vinnustöðum séu hlutskipti sem þau geta ekki hugsað sér og það hvetur þá til að fara í nám. Það sem getur dregið úr því að blindir og sjónskertir einstaklingar haldi áfram námi að loknum grunnog framhaldsskóla er skortur á aðstoð og stuðningi í námi.

Samþykkt: 
  • 21.9.2009
URI: 
  • http://hdl.handle.net/1946/3583


Skrár
Skráarnafn Stærð AðgangurLýsingSkráartegund 
lokautgafan_fixed.pdf343.4 kBOpinnHeildartextiPDFSkoða/Opna