„Guðlaug er aðeins fyrsta skrefið“: Vellíðunarferðaþjónusta og lífsgæði íbúa á Akranesi

Abstract

Hraði lífsins er mikill í heiminum í dag og fólk á í auknum mæli við tilfinningaleg og andleg vandamál að stríða. Fólk hefur því sífellt meiri þörf fyrir að slaka á og sækir í annan ferðamáta en áður. Vellíðunarferðamennska heyrir undir heilsuferðamennsku og snýst um að rækta andlega heilsu fólks með samþættingu líkama, huga og anda einstaklings, þar sem ferðamenn stunda til dæmis jóga, hugleiðslu, útivist, líkamsrækt og dekur. Ferðamennska getur því haft óhjákvæmilega áhrif á lífsgæði fólks þar sem hún þrífst, bæði jákvæð og neikvæð. Í þessari ritgerð er tilgangurinn að skyggnast inn í framtíðaráform Akraneskaupstaðar í tengslum við vellíðunarferðaþjónustu og kanna viðhorf íbúa á staðnum gagnvart hugsanlegri uppbyggingu ferðaþjónustu af þessu tagi. Einnig verður reynt að varpa ljósi á hvaða áhrif uppbyggingin hefur á íbúa samfélagsins og hvernig halda megi neikvæðum áhrifum í lágmarki. Við gerð ritgerðarinnar voru tekin þrjú viðtöl við fulltrúa úr stjórnsýslu sveitarfélagsins og lögð var fyrir spurningakönnun fyrir íbúa Akraness. Niðurstöður benda til þess að fram undan sé mikil uppbygging tengdri vellíðunarferðaþjónustu á Akranesi við Langasand, og að íbúar séu almennt jákvæðir gagnvart því.

In the fast pace of life emotional and mental health is affected increasingly. The need for a calm environment and relaxation has skyrocketed, which calls for changed travel habits. Wellness tourism is under the umbrella of health tourism and focuses on mental health by integrating the body, mind and spirit of an individual where travelers do yoga, medititation, outdoor and physical activity as well as treating themselves to a spa. Tourism can therefore inevitably affect people's quality of life where it thrives, both positively and negatively. The purpose of this thesis is to look into future plans in the town of Akranes in relation to wellness tourism and explore the opinion of the local community towards a potenital project development of this type of tourism in the town. Furthermore, it will attempt to look into the effects of the project on the local community and how negative impact can be minimized. Three interviews were conducted with representatives from the municipial administration and a questionnaire was submitted to the residents of Akranes. The results indicate that there are plans ahead for the town in wellness tourism development and that the local population is relatively positive towards it.