Náttúrufar á Snæfellsnesi

Abstract

Náttúra Íslands er það sem hvað helst dregur að ferðamenn, erlenda sem innlenda, og þeir sækjast í að berja augum bæði einstakt landslag og sérstaka flóru og fánu. Hver og einn landshluti hefur sín sérkenni sem endurspegla veður, loftslag, jarðveg, lífríki í sjónum og aðra umhverfisþætti. Hér verður Snæfellsnes skoðað og sérkennum þess lýst. Dregnar verða fram helstu upplýsingar um jarðfræði svæðisins og nokkrum náttúruperlum lýst. Farið verður yfir gróðurfar, helstu tegundir og kjörlendi þeirra. Einnig verður fjallað um spendýr á sjó og landi. Fuglalífið á Snæfellsnesi er áberandi hluti af náttúrufari svæðisins og verður að lokum farið yfir sérkenni þess og helstu tegundir.