is Íslenska en English

Lokaverkefni (Bakkalár)

Háskólinn á Akureyri > Hug- og félagsvísindasvið > B.A./B.Ed. verkefni >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/36089

Titill: 
  • ,,Maður getur þetta allt“ : upplifun af störfum slökkviliðs- og sjúkraflutningakvenna á Akureyri
Námsstig: 
  • Bakkalár
Útdráttur: 
  • Menning á slökkvistöðvum er einstök en hún getur reynst erfið, sér í lagi fyrir konur, líkt og menning annarra karlavinnustaða. Markmið þessarar rannsóknar er að öðlast innsýn í upplifun og reynslu af störfum kvenna hjá Slökkviliði Akureyrar. Tekin voru þrjú viðtöl við sjö einstaklinga í ýmsum starfsstigum innan slökkviliðsins. Leitast er við að svara rannsóknarspurningunum: ,,Hver er upplifun kvennanna af því að starfa nær eingöngu með körlum?“ og ,,hver er upplifun karlanna af fjölgun kvenna og hvað hefur breyst síðan konum fjölgaði innan liðsins?“ Erlendar rannsóknir á upplifun kvenna af slökkviliðsstörfum, jafnt sem öðrum svonefndum karlastörfum, verða skoðaðar og femínískar kenningar stuttlega kynntar.
    Konum innan Slökkviliðs Akureyrar hefur fjölgað á síðustu árum og hlutfall þeirra er nú hærra en á öðrum slökkvistöðvum á Íslandi. Fjölgun þeirra tókst með sérstakri aðferð, svonefndri kynjasamþættingu, sem á að leiða af sér aukinn jöfnuð kynjanna. Með henni er stjórnendum og stofnunum gert að ígrunda sjónarmið beggja kynja þegar stefnumótun og ákvarðanatökur eru annars vegar. Með kynjasamþættingu er m.a. hægt að vinna að jöfnu hlutfalli kynja á vinnustöðum.
    Niðurstöður rannsóknarinnar leiða í ljós mikla samstöðu, gott andrúmsloft og ánægt starfsfólk. Konurnar upplifa að þær tilheyri hópnum, enda var tekið vel á móti þeim og þær fundu ekki fyrir neinni andstöðu. Þvert á móti upplifðu þær stuðning og hvatningu frá upphafi, og gera enn. Karlarnir líta á þær sem fyrirmyndir í því að uppræta þá hugsun samfélagsins að konur geti ekki sinnt þessum störfum.

  • Útdráttur er á ensku

    As for many other male dominated workplaces, the culture of fire departments can be particularly tough on women workers. The aim of this research is to gain an insight into the experiences of women working for Slökkvilið Akureyrar, the fire department in the city of Akureyri, Iceland. Primary data collection consists of two semi-structured focus group interviews and one in-depth individual interview among seven members of the staff in various positions. The research questions are: ,,How do the women experience this male dominated work environment?” and ,,what do the men experience as the number of women increases and what has changed since women joined the team?” Other research on women working in male dominated workplaces, such as fire departments, will be reviewed and feminist theories briefly introduced.
    The number of women in the Akureyri Fire Department has increased over the last few years, and no other fire department in Iceland has a higher female-to-male sex ratio. This step towards parity was made possible by a strategy for promoting gender equality, the so-called gender mainstreaming approach. The goal is for administrators and institutions to consider the viewpoints and status of both women and men when it comes to policy formulations and decision-making. This approach can, for instance, be used to create more gender-balanced workplaces.
    The findings of this research reveal solidarity, a pleasant atmosphere and a satisfied staff. The women feel a sense of belonging, as they were welcomed into the group without perceiving any resistance. On the contrary, they felt supported and encouraged from the beginning, and still do. The men see the women as role models, in the sense that they play a critical role in eradicating the idea that women cannot and should not enter this profession.

Samþykkt: 
  • 15.6.2020
URI: 
  • http://hdl.handle.net/1946/36089


Skrár
Skráarnafn Stærð AðgangurLýsingSkráartegund 
BA-Thorbjorg.pdf254.29 kBOpinnHeildartextiPDFSkoða/Opna