Samanburður á skilningi ungs manns með einhverfu á tali og tákn með tali

Abstract

Seinkun í málþroska barna með þroskahamlanir og einhverfu er mikið áhyggjuefni. Áætlað er að eingöngu helmingur barna með einhverfu læri tal sem samskiptaaðferð. Í þessari rannsókn var leitast við að gera samanburð á skilningi ungs manns með einhverfu á tali og tákn með tali. Rannsóknarsniðið var einstaklingstilraunasnið og aðferðin var snið ólíkra inngripa. Í fyrri tilrauninni var þátttakandi beðinn um að benda á eina mynd af þremur mögulegum. Í seinni tilrauninni var þátttakandi beðinn um að benda á hluti í íbúð sinni. Í báðum tilraunum voru fyrirmælin gefin annað hvort með tali eða tákn með tali. Helstu niðurstöður úr fyrri tilrauninni voru þær að ekki kom fram skýr munur á skilningi þátttakanda á tali eða tákn með tali. Ekki var hægt að ljúka seinni tilraun vegna vandkvæða þátttakanda við aðgreiningu milli áreita. Því var ekki hægt að draga fram niðurstöður úr seinni tilrauninni.Lykilorð: Tal.