is Íslenska en English

Lokaverkefni (Meistara)

Háskólinn á Akureyri > Hug- og félagsvísindasvið > Meistaraprófsritgerðir >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/36170

Titill: 
  • „Við vorum þreytt í þrjú ár“ : viðhorf og sjónarmið nemenda Menntaskólans á Akureyri til styttingar náms til stúdentsprófs
Námsstig: 
  • Meistara
Leiðbeinandi: 
Útdráttur: 
  • Stytting náms til stúdentsprófs hefur verið til umfjöllunar á Íslandi í mörg ár. Hafa framhaldsskólar tekið hana upp einn af öðrum og var Menntaskólinn á Akureyri sá síðasti til að bjóða upp á þriggja ára nám til stúdentsprófs í stað fjögurra.
    Vorið 2019 útskrifaðist svo fyrsti árgangurinn frá Menntaskólanum á Akureyri sem tók stúdentsprófið sitt á þremur árum í stað fjögurra. Þó er vert að nefna að það að taka stúdentspróf á fjórum árum er enn í boði kjósi nemendur það. Viðfangsefni þessarar ritgerðar er að kanna viðhorf nemenda til þessarar styttingar. Til þess að komast að því voru tekin nokkur viðtöl við nemendur Menntaskólans á Akureyri. Viðmælendur voru valdir þannig að sendur var út póstur til nemenda Menntaskólans og þeim boðin þátttaka. Þeir nemendur sem þáðu boðið og tóku þátt í rannsókninni voru fimmtán talsins og skiptust þeir í fjóra misstóra rýnihópa. Voru þetta bæði nemendur úr þriggja ára kerfinu sem og úr fjögurra ára kerfinu.
    Niðurstöður gefa í stuttu máli til kynna að viðhorf nemenda til styttingar námsins séu alla jafna ekki jákvæð. Ítrekað kemur fram að nemendur á lokaári sínu í þriggja ára kerfinu telji sig vera undir meira álagi í námi heldur en þeir nemendur sem tóku sitt stúdentspróf á fjórum árum. Þó ber að geta þess að hér er um eigindlega rannsókn að ræða og gefur hún aðeins vísbendingar um hvernig málum er háttað og ekki er hægt að alhæfa um almennt viðhorf í samfélaginu til styttingarinnar. Með eigindlegri aðferð er þó hægt að kafa djúpt ofan í viðfangsefnið og var það gert í þeim viðtölum sem voru tekin.
    Viðfangsefni þetta hefur lítið verið rannsakað og því getur þessi rannsókn verið áhugaverð viðbót við það litla sem vitað er um styttingu framhaldsskólans og þau áhrif sem hún hefur haft á nemendur.

  • Útdráttur er á ensku

    The shortening of the education period of the Icelandic matriculation examination has been a topic of interest in Iceland for many years. One by one, secondary schools in Iceland have made the change towards a shorter education period, and Menntaskólinn á Akureyri was the last school to adopt the new system, allowing students to graduate in three years rather than four.
    The spring of 2019 marked the first year in which a class graduated from Menntaskólinn á Akureyri with an Icelandic matriculation examination after having studied for only three years, rather than four years as was previously required. It is still worth mentioning that studying for four years remains an option for those students whom it would favor. The subject of this essay is the examination of students' viewpoints towards this contraction. In order to understand the general opinion towards this transition, several interviews with students of Menntaskólinn á Akureyri were conducted. Interviewees were selected through a process in which an invitation was sent out to students via email, to which they could respond whether they were interested in participating or not. Those who accepted the offer and took part in the study made up a group of fifteen in total, and they were divided into four different focus groups. These included students from the newly adopted three year system, as well as students from the former four year system.
    The results indicate that the students' views towards this shortening are primarily negative. The notion that students graduating from the three year system consider themselves under more pressure than students who graduated from the previous system is repeatedly mentioned. However, it is worth noting that the research conducted is qualitative, and only gives an indication of the general truth, and it is therefore not reasonable to generalize about the public opinion towards this shortening based solely on the results featured in this essay. Nevertheless, qualitative research facilitates a further understanding of the topic at hand, and was therefore applied in the interviews carried out.
    This subject has only been explored to a small extent, and this study can therefore provide additional input to the limited amount of information on the shortening of the education period of the Icelandic matriculation examination and the effect that said shortening has had on students.

Samþykkt: 
  • 15.6.2020
URI: 
  • http://hdl.handle.net/1946/36170


Skrár
Skráarnafn Stærð AðgangurLýsingSkráartegund 
hafrunpalsdottir_kennaradeildHA_vor2020lokaskil.pdf672.72 kBOpinnHeildartextiPDFSkoða/Opna