is Íslenska en English

Lokaverkefni (Meistara)

Háskólinn á Akureyri > Hug- og félagsvísindasvið > Meistaraprófsritgerðir >

Vinsamlegast notið þetta auðkenni þegar þið vitnið til verksins eða tengið í það: https://hdl.handle.net/1946/36181

Titill: 
  • Skipulag innra mats í skólastarfi : innleiðing CAF sjálfsmatslíkans í Varmárskóla
Námsstig: 
  • Meistara
Útdráttur: 
  • Þegar rekstur og stýring grunnskólanna fór frá ríki til sveitarfélaga varð miðstýring í menntamálum á grunnskólastigi minni. Skólastjórnendur báru þá aukna ábyrgð á rekstri skólanna og skipulagi faglegs gæðastarfs í grunnskólum landsins. Innra og ytra mat skóla varð æ mikilvægari partur af skólastarfinu og hugsunarháttur gæðastjórnunar og framfara varð ríkjandi. Kennarar fengu aukin tækifæri til að láta til sín taka í stefnumótandi starfi skólanna og eignuðu sér frekar umbótaverkefni sem stuðluðu að jákvæðri skólaþróun. Þrátt fyrir aukið sjálfstæði skólanna urðu yfirvöld að viðhafa eftirlit með skólastarfi í landinu. Í dag hefur Menntamálastofnun umsjón með ytra mati grunnskóla landsins og hefur mótað samræmdar aðferðir við ytra matið en hver skóli hefur sjálfstæð vinnubrögð í sínu innra mati. Að mörgu er að huga og vanda þarf til verka til að umbótaverkefni skili bættum starfsháttum, það tekur tíma fyrir skólakerfið að aðlagast breyttum áherslum og festa umbótamenningu í sessi. Gagnlegt er að nýta tæki altækrar gæðastjórnunar til að stuðla að faglegu innra mati og umbótum.
    Í þessari ritgerð er fjallað um upphaf, tilgang og skipulag innra og ytra mats. Farið er yfir hvaða áskoranir fylgja innleiðingu umbótaverkefna og breytinga í skólastarfi. Hér verður farið yfir slíka úttekt sem var gerð á starfsemi Varmárskóla í Mosfellsbæ haustið 2019. Helstu niðurstöður úttektarinnar verða teknar saman. Þá er fjallað um með hvaða hætti skólinn nýtti niðurstöður ytra matsins í sínu umbótaferli. Fjallað er ítarlega um uppbyggingu og hlutverk CAF sjálfsmatslíkansins (e.Common Assessment Framework) sem ramma í faglegu innra mati hjá skólum. Stjórnendur Varmárskóla hafa tekið ákvörðun um að innleiða líkanið veturinn 2020-2021. Því var ákveðið að prufukeyra nokkra þætti líkansins í innra mati skólans vorið 2020. Hér verður fjallað um þættina fjóra og þann lærdóm sem dreginn var af prufukeyrslunni svo að sjálfsmatshópur skólans verði betur í stakk búinn til að skila vönduðu mati á starfsemi skólans á komandi skólaári.

  • Útdráttur er á ensku

    When the management of primary schools in Iceland was moved from the government to the municipalities, the central control diminished and the school principals became responsible for the operation and quality of education offered in individual schools. As a result, the school officials began implementing a total quality mindset into the school community. Teachers became increasingly involved in school development projects and, furthermore, the internal evaluation became an essential part of the operations. This transition has been difficult and changes often bring obstacles. Because of decentralization, governmental supervision became more important. To secure a high quality education for students, an external evaluation of the schools had to be performed on a regular basis. In return, the Directorate of Education structured their methods of evaluation to be able to compare different schools and trace the development of the overall school system. Despite the structured way of external evaluation, individual schools have different ways to perform their internal evaluation. Some have no structured way of evaluating while others use known methods and models of total quality management to secure positive school development.
    This thesis is about the beginning, purpose and organization of the internal and external evaluation of schools in Iceland. It is about the challenges of change management and school development. You will find a short summary of the external evaluation made for Varmárskóli, primary school, in the fall of 2019 and how the principals used the results to make their future developmental plan. In relation to the internal evaluation there is an accurate review on the Common Assessment Framework (CAF), which is a total quality management tool, especially made for the public sector. This framework has increasingly been used with good results to manage schools in Europe. The framework will be used for guidance in the internal evaluation at Varmárskóli primary school in the upcoming school year. A trial of the model has been executed in the spring of 2020. In this thesis, you will find the summary of that trial and the common findings of the evaluation group.

Samþykkt: 
  • 15.6.2020
URI: 
  • http://hdl.handle.net/1946/36181


Skrár
Skráarnafn Stærð AðgangurLýsingSkráartegund 
M.ed Skipulag innra mats í skólastarfi.pdf2.94 MBOpinnHeildartextiPDFSkoða/Opna