is Íslenska en English

Lokaverkefni (Bakkalár)

Háskólinn í Reykjavík > Samfélagssvið / School of Social Sciences > BSc Viðskiptadeild (og BSc sálfræði -2019) / Department of Business Administration >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/36259

Titill: 
  • Sameining verkstæða HBH Byggir ehf. á einn stað
Námsstig: 
  • Bakkalár
Leiðbeinandi: 
Útdráttur: 
  • Þegar kom að því að velja verkefni til að vinna með sem BS verkefni fannst höfundi freistandi að reyna að finna fyrirtækjaverkefni þar sem mögulegt væri að vinna með raunveruleg verkefni í rekstri fyrirtækis. Það heillaði sérstaklega þar sem lærdómur af slíkum verkefnum og vinnu er mikill. Leitað var til HBH Byggir þar sem höfundur vissi að fyrirtækið stóð frammi fyrir umfangsmiklum breytingum í rekstri eða allavegana voru að rýna möguleika í stöðunni með þær rekstrarupplýsingar sem voru fyrirliggjandi. Kom í ljós þegar höfundur nálgaðist Dagmar Þorsteinsdóttur, framkvæmdastjóra HBH Byggir að það myndi henta fyrirtækinu vel að vinna þetta verkefni með þeim samhliða þeirri vinnu sem væri að fara í gang innan fyrirtækisins gagnvart framtíðaráformum.
    Allar upplýsingar um fyrirtækið voru fengnar í gegnum vinnu, samtöl og viðtöl við lykilstarfsmenn fyrirtækisins ásamt því að höfundur vann með stjórnendum og kynntist þannig starfsseminni. Þessu til viðbótar var unnið með ráðgjöfum Capacent sem stjórnendur höfðu unnið áður með.
    Fyrirtækjaverkefni þetta fjallar um það hvort og þá hvernig HBH Byggir sem er smíðaþjónustufyrirtæki eigi að sameina verkstæði sín sem í dag eru starfrækt á tveimur stöðum, annars vegar í Reykjavík og hins vegar á Akranesi.
    Byrjað verður á því að kynna fyrirtækið til leiks og rekja sögu þess ásamt því að fara yfir hvaða hagræðingarverkefni fyrirtækið stendur frammi fyrir og hvernig leysa má úr því miðað við þær upplýsingar sem eru til staðar.
    Í framhaldi af því er farið yfir hugmyndir breytingastjórnunar og nokkrar kenningar um árangursríka breytingastjórnun. Þar er fjallað um fræðilega þáttinn og sérstaklega tekið fyrir átta þrepa breytingastjórnun Kotters þar sem sú leið hentar vel fyrir verkefni HBH Byggir og því breytingaferli sem fyrirtækið stendur frammi fyrir.
    Í lokin eru ítarleg skref framkvæmdar og innleiðingar á þessu breytingaferli sem stjórnendur HBH Byggir geta stuðst við þegar þeir telja rétt að fara af stað með breytingarnar. Mikilvægt er í breytingaferli sem þessu að kortleggja verkefnin sem þarf að vinna til að breytingarnar verði árangursríkar og skili þeim ábata sem lagt er upp með í byrjun.

Samþykkt: 
  • 15.6.2020
URI: 
  • http://hdl.handle.net/1946/36259


Skrár
Skráarnafn Stærð AðgangurLýsingSkráartegund 
BSc Fyrirtækjaverkefni_Dagur_Þór_Hilmarsson.pdf2.1 MBLokaður til...01.01.2040HeildartextiPDF
dagurthorbbeidni.pdf411.43 kBOpinnBeiðni um lokunPDFSkoða/Opna

Athugsemd: Fyrirtækið sem ég fékk að vinna með í gegnum verkefnið mitt óskar eftir að verkefnið sé læst þar sem það inniheldur trúnaðarmál og viðkvæmar upplýsingar gagnvart starfsmönnum og samkeppni.