is Íslenska en English

Lokaverkefni (Meistara)

Háskólinn á Bifröst > Viðskiptadeild > Meistaraverkefni í viðskiptadeild (MS) >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/3632

Titill: 
  • Stefnumiðað árangursmat : árangursmælingar í heilbrigðisþjónustu og breytur fyrir stefnumótun á sjúkrahúsum
Námsstig: 
  • Meistara
Útdráttur: 
  • Heilbrigðiskerfið er ein af grunnstoðum samfélagsins og velferðarkerfisins í heild. Í kerfi þar sem bjargir eins og peningar, tími og starfsfólk eru oft takmarkaðar og ákvarðanir varða líf og heilsu, eru kerfisbundnar aðferðir til að bæta árangur og styðja við ákvarðanatöku nauðsynlegar til að mæta markmiðum á sem skilvirkastan hátt. Nýverið hafa forstjóri og framkvæmdastjórn Landspítala tekið ákvörðun um að árangur Landspítalans skuli skoðaður með hliðsjón af árangri hjá öðrum sambærilegum heilbrigðisstofnunum og heilbrigðiskerfum, sér í lagi á Norðurlöndum og í norður Evrópu. Sökum smæðar íslensku þjóðarinnar og sérstakrar stöðu Landspítala hérlendis sem aðal sjúkrahús landsins, sérgreinasjúkrahús sem þjónar allri þjóðinni og háskólasjúkrahús, má oft nýta mat á árangri á Landspítala sem vísbendingu um árangur á landsvísu. Samanburður við erlend sjúkrahús er nauðsynlegur, þar sem hérlendis er ekki að finna sambærilega stofnun við Landspítala. Stefnt er að því markmiði að Landspítali sé samkeppnishæfur við sjúkrahús erlendis bæði faglega og rekstrarlega innan nokkurra ára.
    Markmið þessa meistaraverkefnis er (1) að kanna með fræðilegri úttekt hvað einkennir árangursvísa sem henta til að skoða stöðu sjúkrahúsa; (2) að gera samantekt á lykilbreytum árangurs í spítalaþjónustu á Íslandi, í Noregi og Bretlandi í víddum er varða starfsemi, viðskiptamenn, fjárhag og vöxt og þekkingu innan hugmyndaramma stefnumiðaðs árangursmats; (3) velja samanburðarhæfa árangursvísa og bera nokkra þeirra saman milli Landspítala og árangurs sjúkrahúsa á landsvísu í Noregi og Bretlandi sem birtur er opinberlega.
    Helstu niðurstöður eru að alls fundust 29 einkenni, sem einkenna góða árangursvísa er henta til að skoða stöðu sjúkrahúsa. Lykilbreytur árangurs sem fundust voru: 60 árangursvísar í starfsemisvídd, 14 árangursvísar í vídd víðskiptamanna, 11 árangursvísar í fjárhagsvídd og 7 árangursvísar í vídd vaxtar og þekkingar. Samanburður var mögulegur á nokkrum þeirra breytna og árangur Landspítala bæði betri og verri en árangur samanburðarþjóðanna. Auk þessa eru lagðar fram tillögur um notkun sjö nýrra árangursvísa á Landspítala með hliðsjón af niðurstöðum samanburðar. Niðurstöður má í mörgum tilfellum yfirfæra til notkunar á öðrum sjúkrahúsum og til árangursmælinga á landsvísu

Samþykkt: 
  • 23.9.2009
URI: 
  • http://hdl.handle.net/1946/3632


Skrár
Skráarnafn Stærð AðgangurLýsingSkráartegund 
Meistararitgerd_GBragadottir_fixed.pdf1.95 MBOpinnMeginmálPDFSkoða/Opna