Útikennslu handbók fyrir grunnskóla : handbók fyrir kennara

Abstract

Markmið þessa verkefnis var að útbúa handbók fyrir kennara í grunnskólum á Íslandi. Verkefnið skiptist í tvo hluta, fyrri hluta sem er fræðilegur kafli og seinni hluta sem er handbók. Í fræðilega kaflanum er fjallað um útikennslu, markmið hennar og áhrif. Einnig er fjallað um áhrif hreyfingaleysis á líkamann og stöðuna á offitu barna í grunnskólum á Íslandi. Fjallað er um mikilvægi leiks sem kennsluaðferð í skólum og áhrif náttúrunnar á líf barna. Í handbókinni eru hugmyndir að leikjum og kennsluaðferðum sem hentar vel í útikennslu á Íslandi. Kennsluefnið gerir kröfur til nemenda að hreyfa sig, vinna saman og nota hugmyndaflugið þar sem þau leysa ýmis verkefni sem kennarinn leggur fyrir. Markmiðið er að kennarar geti nýtt sér handbókina til þess að brjóta upp hefðbundna kennslu í stærðfræði, landafræði, íslensku, náttúrufræði og íþróttum. Getur hann/hún farið með nemendur út fyrir veggi skólans, í nánasta umhverfi við hann eða í vettvangsferðir þar sem nemendur upplifa námsefnið á annan hátt.