Styrktarþjálfun barna og unglinga : handbók fyrir íþróttaþjálfara og kennara : fræðileg umfjöllun

Abstract

Jákvæð áhrif styrktarþjálfunar á börn og unglinga eru orðin vel þekkt en þrátt fyrir það hafa bæði íslenskir og erlendir styrktarþjálfarar talað um um að almennt sé ekki nógu vel staðið að styrktarþjálfun hjá börnum og unglingum í íþróttum. Helsta ástæðan fyrir að börn og unglingar í íþróttum ættu að stunda styrktarþjálfun er að það dregur mikið úr meiðslahættu. Styrktarþjálfun barna og unglinga hefur þó ekki aðeins áhrif á meiðslahættu heldur getur hún einnig stuðlað að auknum afköstum í íþróttum ásamt því að vera góð hreyfing til heilsubótar sem börn og unglingar geta haldið áfram að stunda út ævina. Tilgangur verkefnisins var að hanna handbók um styrktarþjálfun barna og unglinga þar sem meginmarkmiðið var að aðstoða íþróttaþjálfara og kennara við að setja upp einfaldar styrktaræfingar fyrir börn og unglinga. Handbókin getur nýst í íþróttaþjálfun barna og unglinga í flestum íþróttagreinum sem og í íþróttakennslu í grunnskólum.