Já við skulum...! : handbók fyrir kennara um leiklist á unglingastigi.

Abstract

Höfundar ákváðu að skrifa kennarahandbók um leiklist á unglingastigi þar sem ætlunin er að veita nemendum innsýn í heim leikhússins. Með bókinni fylgir greinargerð sem styður við bókina með fræðilegri umfjöllun um leiklist.Í bókinni Já við skulum...! er tekið fyrir hvað þurfi að hafa í huga við kennslu leiklistar. Þá eru einnig heilræði til kennara um vinnu með hópum og hugmyndir að námsmati og uppbyggingu kennslustunda. Viðfangsefnin eru svo þrjú, æfingar sem þjálfa nemendur í grunnþáttum leiklistar, verkefni þar sem unnið er með heildarmynd leiksýninga og að lokum leiðarvísir áhorfandans þar sem leikhúsferð, greining og ígrundun hennar er það sem nemendur fást við.Í greinargerðinni er farið stuttlega yfir sögu og þróun leiklistar í skólastarfi í Evrópu og helstu frumkvöðlar á því sviði kynntir. Fjallað er um áhrifavalda og fræðimenn og hvernig hugmyndir þeirra hafa að mörgu leyti mótað leiklist í skólastarfi á Íslandi. Þá er staða leiklistar í Aðalnámskrá grunnskóla skoðuð sem og notkun leiklistar í íslensku skólalífi. Að lokum eru færð rök fyrir því að kenna ætti leiklist í grunnskólum og ástæður þess að höfundar ákváðu að skrifa kennarahandbók raktar.