en English is Íslenska

Thesis Bifröst University > Viðskiptadeild > Meistaraverkefni í viðskiptadeild (MS) >

Please use this identifier to cite or link to this item: http://hdl.handle.net/1946/3637

Title: 
  • Title is in Icelandic Lækningatengd ferðaþjónusta á Íslandi : óskhyggja eða raunverulegur möguleiki?
Submitted: 
  • September 2009
Abstract: 
  • Abstract is in Icelandic

    Rannókn þessi er framkvæmd með það fyrir augum að skoða möguleika Íslands til þátttöku í
    lækningatengdri ferðaþjónustu á samkeppnisgrundvelli. Rannsóknin var því fyrst og fremst
    megindleg. Spurningakönnunin var framkvæmd meðal skurðlækna og svæfingalækna og
    önnur meðal ferðamanna á leið úr Bláa Lóninu. Gögnin voru greind og af þeim dregnar
    niðurstöður um samkeppnisstöðu Íslands á þessum markaði. Lækningatengd ferðaþjónusta
    getur orðið mjög skilvirkt og gott úrræði fyrir stjórnvöld, lækna og annað heilbrigðisstarfsfólk
    til þess að afla gjaldeyris, þjálfa heilbrigðisstarfsfólk og auka virðisauka af ferðamönnum.
    Auk þess væri hægt að minnka spekileka úr landi og nýta bjargir betur og mannauð í
    heilbrigðisþjónustu og ferðaþjónustu í kjölfar efnahagshruns á Íslandi. Ísland á mikinn
    mannauð í háu menntunarstigi þjóðarinnar og tækifæri gæti gefist nú eftir fall gjaldmiðilsins
    til þess að ná samkeppnisforskoti inn á þennan markað. Ísland getur nýtt óvenju mikinn
    mannauð í hagfræði og viðskiptafræði saman með heilbrigðisfræði og ferðamennsku í þeirri
    viðleitni að fá sem bestu útkomu og notað til þess sérstöðu menningarinnar sem er
    eyjamenning. Rannsóknir sýna að hver ferðamaður í lækningatengdri ferðaþjónustu er á við
    sjö venjulega ferðamenn. Til þess að vel gangi að markaðssetja land í þessari þjónustugrein
    þarf það að vera samkeppnishæft í verði, gæðum og mannauði.
    Þróun lækningatengdrar ferðaþjónustu hefur verið á þá leið að ferðamenn flæða frá þróuðum
    löndum og nýta sér úrræði vanþróaðra ríkja. Þegnar vanþróaðra ríkja hafa ekki efni á
    þjónustunni í sama mæli og þegnar þróaðra ríkja. Mikið hefur verið rætt um að ekki sé siðlegt
    að íbúar ríkra landa komi og taki úrræði frá íbúum fátækra landa. Annað viðvarandi vandamál
    í lækningatengdri ferðaþjónustu er að samræmd lagaúrræði skortir til verndar neytandanum og
    í sumum löndum er beinlínis bannað að leita réttar síns eftir mistök í framkvæmd
    læknisþjónustu. Ísland hefur sérstöðu að þessu leiti því það hefur öfluga lagavörn fyrir
    neytendur heilbrigðisþjónustu og mikið gæðaeftirlit með heilbrigðisfagfólki. Þá hefur Ísland á
    að skipa öflugum þjónustuaðilum á mörgum sviðum sem komið geta til stuðnings fyrir
    greinina. Landfræðileg staða landsins er góð í miðju Atlantshafi mitt á milli Bandaríkjanna og
    Bretlands væntanlegra markaðssvæða. Loks má nefna að höfundi eru Suðurnesin kær og hann
    vildi skoða hvernig samkeppnismöguleikar þeirra væru á þessu sviði. Niðurstaða þessarar
    rannsóknar er sú að Ísland er samkeppnishæft í framboði, gæðum og verði á
    heilbrigðisþjónustu og að hún sé að jafnaði 50% - 90% ódýrari en sambærileg
    heilbrigðisþjónusta í Bandaríkjunum. Ísland getur því boðið þjónustuna á verði vanþróaðra
    ríkja í háþróuðu ríki

Accepted: 
  • Sep 23, 2009
URI: 
  • http://hdl.handle.net/1946/3637


Files in This Item:
Filename Size VisibilityDescriptionFormat 
adda_sigurjonsdottir_fixed.pdf19.39 MBOpenMeginmálPDFView/Open