Frá sjó til fjalla

Abstract

Árlega falla til yfir tuttugu flotgallar sem notaðir eru við æfingar og neyðarútköll á sjó hjá Slysavarnarskóla sjómanna. Í verkefninu er flotgöllunum gefið nýtt hlutverk innan starfsemi Landsbjargar. Vatnsheld höfuðhlíf yfir fjallasjúkrabörur vísar annars vegar til eiginleika efnisins og hins vegar til fyrra hlutverks gallanna. Hvort sem efnið er í formi flotgalla eða hlífar veitir það áfram skjól og auðveldar störf björgunarfólks á landi, láði eða legi. Björgunarsveitirnar eru gríðarlega mikilvægur hlekkur í íslensku samfélagi sem þjóðin treystir á og finnst mér mikilvægt að gefa til baka til þeirra sem gefa svo mikið af sér.