is Íslenska en English

Lokaverkefni (Meistara)

Háskólinn í Reykjavík > Samfélagssvið / School of Social Sciences > ML Lagadeild / Department of Law >

Vinsamlegast notið þetta auðkenni þegar þið vitnið til verksins eða tengið í það: https://hdl.handle.net/1946/36624

Titill: 
  • Fyrirbyggjandi fjárhagsleg endurskipulagning : áhrif tilskipunar Evrópuþingsins og ráðsins (ESB) 2019/1023 á réttarúrræði félaga til fjárhagslegrar endurskipulagningar
  • Titill er á ensku Preventive restructuring frameworks : impacts of directive 2019/1023 of the European parliament and of the council for financial restructuring of companies
Námsstig: 
  • Meistara
Útdráttur: 
  • Undanfarið hafa verið að ryðja sér til rúms úrræði sem fela í sér fjárhagslega endurskipulagningu til að endurheimta rekstrarhæfni félaga í fjárhagsörðugleikum, einkum fyrirbyggjandi endurskipulagningu. Með hugtakinu fyrirbyggjandi er vísað til þess að tilgangur endurskipulagningarinnar er að fyrirbyggja ógjaldfærni í stað þess að vinna bug á ógjaldfærni. Með tilskipun Evrópuþingsins og ráðsins (ESB) 2019/1023 er miðað að því að samræma málsmeðferð slíkra úrræða á meðal aðildarríkja Evrópusambandsins. Markmið þessarar ritgerðar er að varpa ljósi á væntanleg áhrif tilskipunarinnar á réttarúrræði félaga hér á landi til fjárhagslegrar endurskipulagningar við innleiðingu tilskipunarinnar í íslenskan rétt.
    Helsta niðurstaða ritgerðarinnar er að innleiða þurfi nýja málsmeðferð í lög nr. 21/1991 um gjaldþrotaskipti o.fl. Málsmeðferðin þarf að vera aðgengileg þegar líkur eru á ógjaldfærni skuldara og veita honum og kröfuhöfum tækifæri til að útbúa og semja um endurskipulagningaráætlun. Dómstólar meta hvort nauðsynlegt sé að skipa sérfræðing til aðstoðar fyrir skuldara og kröfuhafa við gerð og viðræður um endurskipulagningaráætlun. Til þess að liðka fyrir samningaviðræðum er skuldara veitt heimild til að óska eftir greiðslustöðvun. Í lögum nr. 21/1991 um gjaldþrotaskipti o.fl. er þegar mælt fyrir um slíka heimild. Þó er nauðsynlegt að gera tilteknar breytingar á ákvæðum laganna um heimildina til að hún samræmist tilskipuninni. Endurskipulagningaráætlunin getur, samkvæmt tilskipuninni, falið í sér margs konar ráðstafanir til fjárhagslegrar endurskipulagningar. Leggja má áætlunina fyrir alla kröfuhafa og hluthafa félagsins til atkvæðagreiðslu, en einnig fyrir afmarkaðan hóp þeirra. Þegar endurskipulagningaráætlun hefur áhrif á fleiri en einn flokk kröfuhafa skal skipta þeim niður í atkvæðaflokka og fer fram atkvæðagreiðsla í hverjum flokki fyrir sig. Með staðfestingu dómstóla á endurskipulagningaráætlun er hægt að binda hendur mótfallinna kröfuhafa. Þá er jafnframt undir ákveðnum kringumstæðum hægt að binda atkvæðisflokk þar sem áskilinn meirihluti hefur hafnað áætlun.

  • Útdráttur er á ensku

    Procedures to restructure financially distressed businesses have become increasingly important in Europe and across the globe. Preventive proceedings have been considered an important tool to restore the debtor’s viability. The term “preventive” refers to the purpose of the procedure, i.e. enable debtors to restructure at an early stage and divert the threat of insolvency. Directive (EU) 2019/1023 of the European Parliament and of the Council aims to harmonise such procedures among the Member States of the European Union. The aim of this thesis is to shed light on the impact of the Directive on the financial restructuring tools available to companies according to Icelandic legislation.
    The main conclusion of the thesis is that a new procedure must be introduced into Icelandic legislation through Act no. 21/1991 on Bankruptcy etc. This procedure must be available when a debtor is facing the threat of insolvency and provide the opportunity to develop and negotiate a restructuring plan. The appointment of a practitioner in the field of restructuring, to assist in negotiating and drafting the plan, shall be decided on a case-by-case basis. In order to support the negotiations, the debtor can apply for a stay of individual enforcement action. Act. no. 21/1991 already provides for a stay of individual enforcement actions, but existing rules need certain amendments to fully comply with the Directive. A restructuring plan can contain various restructuring measures. The plan can be submitted to all creditors and shareholders for approval, but it can also be limited to certain affected parties. If more than one creditor class is affected by the plan, a class formation must be undertaken. In order to bind dissenting minorities within a class, a judicial confirmation is required. Although a majority has not been reached in every class, a plan can nevertheless be approved because of a cross-class cram-down.

Samþykkt: 
  • 25.6.2020
URI: 
  • http://hdl.handle.net/1946/36624


Skrár
Skráarnafn Stærð AðgangurLýsingSkráartegund 
kristjanoliML-LD.pdf635.26 kBOpinnHeildartextiPDFSkoða/Opna
kristjoscan_annast_2020-06-25-13-50-55.pdf394.46 kBOpinnBeiðni um lokunPDFSkoða/Opna