Ísrael Palestína - átök tveggja þjóða : greinargerð um námsbók og kennsluverkefni

Abstract

Í þessu lokaverkefni sem samanstendur af greinargerð, námsbók og kennsluverkefni er einblínt á átök Ísraels og Palestínu. Hugmyndin er sprottin frá kennsluverkefni sem undirritaður bjó til ásamt öðrum um sama efni í áfanga um átakasvæði í heiminum haustið 2018. Höfundur leitaði í bækur fræðimanna um málefni Ísraels og Palestínu ásamt því að afla sér upplýsinga og myndefnis fyrir námsbókina á veraldarvefnum. Námsbókin og kennsluverkefnið er gert fyrir unglingastig grunnskóla í samfélagsgreinum og ætlað að veita nemendum sýn á átök þessara tveggja þjóða ásamt því að veita þeim tækifæri að mynda sér skoðun á málinu. Það er einlæg ósk undirritaðs að efnið muni nýtast í kennslu á unglingastigi grunnskóla til að efla þekkingu og skilning á átökum Ísraels og Palestínu ásamt því að styrkja gagnrýna hugsun og skoðanamyndun nemenda.