Form, hljómar og spuni : hugmyndir og verkefni fyrir skapandi tónlistarnám

Abstract

Form, hljómar og spuni: Kennsluefni fyrir skapandi tónlistarnám er námsefni í tónmennt hugsað fyrir nemendur á mið- og unglingastigi grunnskóla. Markmiðið er að einfalda þá þætti tónlistar sem að jafnaði flokkast til flóknari viðfangsefna, með von um að þeir geti nýst lesendum við að finna persónulegri hvata í tónlistarnámi. Megináhersla kennsluefnisins eru hljómar og uppbygging dægurlagatónlistar. Námsefnið hefst á umfjöllun og æfingum sem snúa að formi og uppbyggingu tónlistar. Þar á eftir er sjónum beint að hljómum með fræðilegri umfjöllun, auk æfinga sem ætlað að kynna lesendum fyrir samhengi tónlistar og hljóma. Í lokakaflanum, sem kallast spuni er efni fyrri kafla tekið saman með verklegum æfingum og hugmyndum tengdri tónlistarsköpun. Með fylgja hljóðdæmi sem styðja við verklegu æfingarnar og aðrar hugmyndir kennsluefnisins. Horft er til hvata og orðræðu vaxtarhugarfars (e. Growth Mindset) sem og hugmyndafræði Jerome Bruner. Persónulegur hvati er leiðarstef þessa kennsluefnis og eru lesendur hvattir frá fyrstu síðu til þess að tengja viðfangsefnið við eigin tónlistaráhuga.