Sköpun og flæði : möguleikar í myndmenntarkennslu sem tæki til aukinnar núvitundar

Abstract

Greinargerð þessi er hluti af 10 eininga (ECTS) lokaverkefni til B.Ed.-prófs með áherlsu á list- og verkgreinar við Menntavísindasvið Háskóla Íslands. Verkefnið er tvískipt og samanstendur af greinargerð og verkefnabanka sem ætlað er að styðja við kennslu í myndmennt. Verkefnin eru þannig uppbyggð að nemendur vinna verk þar sem leitast er við að framkalla ró og slakandi áhrif án kvíða og óöryggis sem getur gætt þegar nemendur einblína á fagurfræðilega útkomu verksins. Í greinargerðinni er rýnt í fræðin og hugmyndin að baki verkefnabankanum kynnt. Stuðst er við kenningu um flæði eftir sálfræðinginn Mihaly Csikszentmihalyi en einnig er litið til rannsóknar um kvíða og depurð nemanda í grunnskólum landsins sem Dr. Ársæll Arnarsson og Dr. Einar B. Þorsteinsson gerðu um heilsu og lífskjör skólanema á Íslandi árið 2018. Sú rannsókn leiddi í ljós að kvíði og depurð ungmenna er að aukast. Höfundur telur að verkefnabanki tengdur myndmennt með verkefnum unnum í anda flæðikenningarinnar geti hjálpað nemendum að öðlast betri andlega líðan. Það er ósk höfundar að verkefnaheftið eigi eftir að nýtast kennurum sem liður í aðgerðum til að auka andlega vellíðan nemenda.