Grunnskólakennari yngri barna : hverju þarf að huga að til þess að ná árangri í starfi?

Abstract

Meginmarkmið þessa lokaverkefnis er að skoða þá þætti sem kennarar yngri nemenda í grunnskóla þurfa að horfa til þegar kemur að kennslu. Í ritgerðinni verður leitast við að svara rannsóknarspurningunni "Hverju þarf kennari yngri barna að huga að til þess að standa sig vel í starfi?" Í fræðilega hluta ritgerðarinnar eru hugtökin kennari, fagmennska, kennsluaðferðir og einstaklingsmiðun skilgreind en þau eru mikilvæg í starfi kennara. Þá verður hlutverk kennara útskýrt sem og samskipti og samstarf kennara við nemendur, foreldra og annað starfsfólk. Einnig verður litið til fjölbreyttra kennsluaðferða og sett fram hugmynd að kennsluaðferð í tengslum við umhverfi og upplýsingatækni.