Úti- og ævintýranám í frístundastarfi : greinargerð með kynningarvef fyrir leiðbeinendur

Abstract

Námsaðferðir samtímans eiga að hvetja þátttakendur til virkni, sjálfsvitundar, frumkvæði í verki og skapandi hugsunar. Útinámi er lýst sem námsaðferð og nálgun með áherslu á nám undir berum himni þar sem öll skynfæri eru virkjuð með þátttöku í beinum upplifunum og reynslu. Ævintýranám er náskylt útinámi en byggir á annarri nálgun en útinám. Báðar námsaðferðir hafa jákvæð áhrif á nemendur. Þessi áhrif eru m.a. persónu- og félagslegur þroski, félagsfærni, virkni, námsframmistaða og leiðtogahæfni. Þetta lokaverkefni er greinargerð með kynningarvef sem nýtist leiðbeinendum sem vilja dýpka þekkingu sína á sviði úti- og ævintýranáms. Á kynningarvefnum er bæði að finna fræðilegan rökstuðning fyrir því af hverju leiðbeinendur ættu að vinna með úti- og ævintýranám með nemendum ásamt verkefnum sem byggja á námsaðferðunum. Þar geta leiðbeinendur geta á kynningarvefnum náð í verkefni til að leggja fyrir nemendur eða fengið innblástur frá öðrum til að hanna sín eigin verkefni. Greinargerðin og kynningarvefurinn byggja á rannsóknum um úti- og ævintýranám ásamt gagnrýni fræðimanna á námsaðferðum samtímans og markmiðum frístundaleiðbeinenda í starfi með börnum og unglingum. Lykilorð: Reynslumiðað nám, útinám, ævintýranám, ævintýralegt nám, börn, unglingar, frístundaheimili, félagsmiðstöðvar, leiðbeinendur.