Litla barnið í leikskólanum : þarfir yngstu barnanna í leikskólanum og mikilvægi þess að leikskólakennarinn komi til móts við þær

Abstract

Ritgerðin fjallar um yngstu börnin í leikskólanum sem eru börnin frá eins til þriggja ára. Fyrri kaflinn fjallar um þær breytingar sem eiga sér stað á fyrstu þremur árunum í þroska barnsins sem eru vægast sagt mikilfenglegar. Seinni kaflinn fjallar um hlutverk kennarans við skipulagningu leikskólastarfsins til þess að koma sem best til móts við þarfir barnanna sem dvelja á deildinni hans með tilliti til þroska þeirra. Síðustu ár hefur yngstu börnunum í leikskólanum fjölgað töluvert og þess vegna er tilgangur ritgerðarinnar að skýra frá þeim þáttum sem leikskólakennari yngstu barnanna þarf að hafa í huga við skipulagningu námskránnar til þess að mæta börnunum þar sem þau eru stödd og skipuleggja áskoranir til þess að styðja við frekari framfarir í þroska þeirra. Þær upplýsingar sem fram koma um mikilvægi þess að kennarinn þekki þroskastig og þarfir barnanna aflaði ég mér úr fræðilegu efni, úr bókum og tímaritsgreinum meðal annars. Í ritgerðinni kemur í ljós að kennarinn þarf að hafa þroskastig barnanna í huga við skipulagningu allra þátta leikskólastarfsins en þeir þættir sem um ræðir eru námsumhverfi, efniviður, foreldrasamstarf, málörvun og frjálsi leikurinn. Efni ritgerðarinnar er mikilvægt fyrir litlu börnin okkar í leikskólanum þar sem að þau þurfa á annarri námskrá að halda heldur en eldri börnin í leikskólanum því að barn tekur hröðum framförum í alhliða þroska fyrstu þrjú árin í lífinu.