Námsefni út fyrir kassann : skapandi og samþætt námsefni með kennsluleiðbeiningum fyrir unglingadeild í samfélagsfræði

Abstract

Sköpunargáfa er einstaklingum nauðsynleg til að mæta þeim kröfum sem hið síbreytilega nútímaþjóðfélag gerir. Þjóðfélagið byggir á sveigjanleika, skapandi hugsun og aðlögunarhæfni. Mikilvægt er að efla og styrkja þessa eiginleika í skólakerfinu. Samþætting námsgreina hefur verið umfjöllunarefni lengi en námsgreinin samfélagsfræði er yfirheiti yfir margar undirgreinar. Meðal undirgreina í samfélagsfræði eru saga, landafræði, þjóðfélagsfræði, trúarbragðafræði, heimsspeki, siðfræði, jafnréttismál og lífsleikni. Í Aðalnámskrá grunnskóla (2013) eru sett fram hæfniviðmið sem kennarar eiga að fylgja við kennslu í samfélagsfræði, hæfniviðmiðin eru fyrirferðarmikil og getur virst ofviða að mæla þau öll. Í meistaraverkefni mínu hef ég hannað námsefni fyrir kennara í samfélagsfræði á unglingastigi. Í námsefninu, í gegnum skapandi kennsluaðferðir, verður leitast við að samþætta undirgreinar samfélagsfræðinnar á heildrænan hátt. Markmið með þessu meistaraverkefni er að gefa þeim sem kenna samfélagsfræði í unglingadeild tækifæri til að nýta sér þetta námsefni í sinni kennslu. Námsefnið byggir á hugmyndum kennismiða um samþættingu og skapandi kennslu.Námsefnið er byggt á námsefni sem ég hef samið og lagt fyrir sem starfandi leiðbeinandi í samfélagsfræði í unglingadeild. Í hverju verkefni eru tvær eða fleiri undirgreinar samfélagsfræðinnar samþættar, hugmyndir að skapandi kennsluaðferðum settar fram og farið yfir þau hæfniviðmið í Aðalnámskrá grunnskóla (2013) sem hægt er að mæla.

Creativity is necessary for the students of tomorrow to meet what the modern society demands of them. The society is built on flexibility, creative thinking and the ability to adapt. It is important to grow and nurture those qualities inside the educational system. Integration of subjects has been in the spotlight for a long time but the subject of Social Studies is in and of itself an integrated subject. The subjects in Social Studies are among other things, History, Geography, Religion, Life Skills, Philosophy and Ethics. In the National Curriculum (2013) are learning competencies that students need to achieve in Social Studies before graduation. The learning criteria in the National Curriculum are many and can seem too much to cover. In this Master Thesis there are projects that are built on creativity and integration for teachers who teach Social Studies in grades 8 − 10 in the compulsory school. The goal of this thesis is to give other teachers tools to integrate subjects in Social studies and implement creative projects. The projects are built on ideas of integration and creativity in teaching and learning.These projects are built on projects I have made and done with my students when teaching Social studies. In each project two or more subjects are integrated and ideas for creativity in teaching put forward. There are also suggestions for teachers what learning competencies from National Curriculum (2013) can be measured within each project.