Hugmyndir um hluti

Abstract

Rauð rós er tilvísunarfyrirbærið, hugmyndin um fyrirbærið. Rauð rós er svo líkamlegi hluturinn. Rómantík er svo túlkunin.Til umfjöllunar í þessari ritgerð eru hugtök sem varpa ljósi á skilning mannsins á umhverfinu sínu. Samband mannsins við staðbundna hluti er tekið fyrir og áhrif sjálfsmyndarinnar við umhverfið greint. Stutt er við hugtökin Amor Fati eftir Nietzsche og Enculturation eftir Margaret Mead en það má líta á Amor Fati sem nokkurskonar ögrun við Enculturation fyrirbærinu. Hugmyndir tónlistarsálfræðinganna Dr. Vicky Williamsson og Dr. Jamshed J. Bharucha eru reifaðar en þau eru með ólíkar skilgreiningar á því hvernig mannfólkið upplifir tilfinningaleg skilaboð frá tónlist sem er í moll annars vegar og í dúr hins vegar. Sjálfsmyndin er svo greind út frá kenningum John Locke og sjálfsmyndin innan samfélagsmiðla greind út frá hugtaki Max Weber um kjörsjálfið. Skoðaðar verða líka kenningar Ferdinand de Saussure um táknfræði, Tungumálaleikur Ludwig Wittgenstein er svo tekin fyrir og samband hans við táknfræðina skoðað. Með hjálp þessa hugtaka mun samband mannsins við umhverfið sitt vera greint og þessi hugtök svo sett inn í samhengi myndlistar, þá sérstaklega með tilliti til sköpun og lestur myndlistar. Lykilverk mín verða einnig greind út frá þessum hugtökum og koma fram reynslusögur sem eru annað hvort orsök verka minna eða afleiðing þeirra.