Kerfisbundin fræðileg samantekt á árangri flýtibatameðferðar við enduruppbyggingu á brjóstum með fríum flipa frá kvið: Hlutverk svæfingahjúkrunarfræðinga við framkvæmd flýtibatameðferðar

Abstract

Bakgrunnur: Flýtibatameðferð er fjölþætt meðferð skurðsjúklinga sem getur dregið úr fylgikvillum og stytt sjúkrahúsdvöl í kjölfar aðgerða. Flýtibatameðferð var fyrst skilgreind árið 1997 fyrir sjúklinga sem gengust undir ristilskurðaðgerðir. Síðan þá hefur flýtibatameðferð verið notuð við fjölda annarra aðgerða. Ekki er til samþykktur ferill fyrir flýtibatameðferð við enduruppbyggingu brjósta með fríum flipa frá kvið. Svæfingahjúkrunarfræðingar sinna mörgum þáttum flýtibatameðferðar og gegna því mikilvægu hlutverki við innleiðingu meðferðarinnar sem og í aðgerðarferlinu sjálfu.Tilgangur: Tilgangur þessa fræðilega yfirlits er að varpa ljósi á árangur flýtibatameðferðar hjá konum sem fara í enduruppbyggingu brjósta með fríum flipa frá kvið og hlutverk svæfinga-hjúkrunarfræðinga við framkvæmd flýtibatameðferðar hjá þessum sjúklingahópi. Aðferðir: Gerð var kerfisbundin leit að rannsóknum í gagnagrunnunum PubMed, Scopus, Proquest og í sérhæfðum tímaritum, sem birtar voru á tímabilinu 2014-2020. Greinar voru skimaðar og gæði metin með viðurkenndum gátlistum og leiðbeiningum Joanna Briggs Institute (JBI).Niðurstöður: Átta rannsóknir með alls 1.616 þátttakendum uppfylltu inntökuskilyrði og gæðamat. Þátttakendur fengu ýmist flýtibatameðferð eða hefðbunda meðferð. Niðurstöður sýndu að lengd sjúkrahúslegu styttist marktækt hjá þeim sem fengu flýtibatameðferð miðað við þá sem fengu hefðbundna meðferð. Heildarnotkun morfinskyldra lyfja reyndist einnig minni eftir innleiðingu flýtibatameðferðar en enginn munur reyndist á tíðni fylgikvilla milli meðferðarhópa 30 til 90 dögum eftir aðgerð. Sjö þættir flýtibatameðferðar eru í verkahring svæfingarhjúkrunarfræðinga: Fyrirbyggjandi sýklalyfjagjöf, fyribyggjandi velgjuvarnarlyfjagjöf, verkjalyfjagjöf fyrir, í og eftir aðgerð, svæfingameðferðin, vökvameðferð og fyrirbygging ofkælingar. Ályktun: Með innleiðingu flýtibatameðferðar við enduruppbyggingu brjósta með fríum flipa, má stytta sjúkrahúslegu, minnka þörf fyrir morfínskyld lyf, bæta líðan og þannig draga úr kostnaði. Gera þarf frekari rannsóknir á andlegri og líkamlegri líðan sjúklinga í flýtibatameðferð og því hvaða þættir eru tengdir betri árangri. Svæfingahjúkrunarfræðingar eru í lykilhlutverki við innleiðingu og framkvæmd flýtibatameðerðar á skurðstofu.Lykilorð: Flýtibatameðferð, enduruppbygging, frír flipi, smáæða, smáæða brjóstaaðgerðir, brjóstaaðgerðir.

Background: Enhanced recovery after surgery (ERAS) is a multifaceted treatment that reduces side effects and length of hospital stay (LOS) after surgery. Introduced in 1997 for colorectal surgery ERAS has since been implemented in multiple surgical specialties. However there is no approved ERAS pathway for microvascular breast reconstruction. Many aspect of the protocol fall within the responsibility and role of anesthesia nurses. Purpose: This is a systematic review of the litterature on ERAS in microvascular breast reconstruction with emphasis on the role of the anaesthesia nurse. Methods: A systematic review was conducted by searching the databases Pubmed, Scopus and Proquest and by hand-searching specialized journals for research published in the years 2014-2020. Articles were evaluated using tools from the Joanna Briggs Institute (JBI).Results: Eight studies with 1.616 women met the predefined criteria and were selected for the review. Patients received either ERAS treatment or traditional treatment (TRAS). The studies showed that ERAS was related to reduced LOS compared to TRAS. The use of opioids was also reduced after the implementation of ERAS. No difference was found in the incidence of complication between treatment groups at 30 to 90 days after surgery. Anaesthesia nurses manage seven factors of the ERAS pathway: administration of antimicrobial prophylaxis, pre-, intra, and postoperative analgesia, prevention of nausea and vomiting, anaesthesia, appropriate fluid management and prevention of hypothermia. Conclusion: The use of an ERAS pathway in this group of patients may reduce the LOS and minimize the use of opioids, improve overall patient wellbeing and could lead to healthcare cost savings. Further research is needed regarding the mental and physical wellbeing of patients throughout the process and after they have returned home. Anesthesia nurses play an important role in implementing and executing the ERAS treatment protocol in the operating room.Keywords: Enhanced recovery after surgery (ERAS), reconstructive, free flap, microvascular, microvascular breast surgery and breast surgery.