„Við viljum velta öllum steinum til að finna betri lausnir": Að taka foyrstu í umhverfismálum

Abstract

Markmið rannsóknarinnar „Við viljum velta öllum steinum til að finna betri lausnir“ – Að taka forystu í umhverfismálum, var að komast að því hvernig starfsfólk upplifir stöðu umhverfismála hjá fyrirtæki sem það starfar hjá og hvað fyrirtækið þarf að bæta til að ná umhverfismarkmiðum sínum. Vonar rannsakandi að niðurstöður gerir fyrirtækinu kleift að meta stöðu sína í umhverfismálum og hvar áherslur þurfa að liggja í framíðinni. Rannsóknarspurningin sem leitast var við að svara var því „Hvaða ávinningur fæst við að hafa umhverfisstefnu til staðar innan fyrirtækis?“. Til þess að finna svör við rannsóknarspurningunni var notast við megindlega rannsóknaraðferð þar sem spurningalisti var lagður fyrir starfsfólk hjá íslensku sjávarútvegsfyrirtæki. Notast var við vefkerfi BravoEarth til að greina niðurstöður og útbúa verkefnalista fyrir fyrirtækið að rannsókn lokinni. Fyrirtækið gæti notast við GAP greiningu til að greina enn frekar hvar brestur á sér stað og notast við verkefnalista BravoEarth til þess að ná markmiðum umhverfisstefnunnar.