Til Afródítu: Íslensk þýðing fimmta Hómershymna, ásamt inngangi og skýringum

Abstract

Hér birtist íslensk þýðing hins fimmta Hómershymna, ásamt inngangi og skýringum, en hymninn er ortur undir yfirskriftinni Til Afródítu. Er þar sögð sagan af því þegar ástargyðjan Afródíta lagði lag sitt við Tróverjann Ankíses, sem átti með henni soninn Eneas, sem barðist síðar í Trójustríði, samkvæmt grískri sagnahefð, og stofnaði loks Rómaveldi, samkvæmt hinni rómversku. Í inngangi er svo fjallað um samband guða og manna, hinna dauðlegu og ódauðlegu, í anda strúktúralisma, auk þess sem uppruni ástargyðjunnar er rakinn í stuttu máli og ólíkar birtingarmyndir hennar skoðaðar.