is Íslenska en English

Lokaverkefni (Bakkalár)

Háskóli Íslands > Félagsvísindasvið > B.A./B.Ed./B.S. verkefni - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/37055

Titill: 
  • Áhrif innleiðingar IFRS 16 á flugfélög: Eru áhrifin meiri á lággjaldaflugfélög?
Námsstig: 
  • Bakkalár
Leiðbeinandi: 
Útdráttur: 
  • Flugfélög taka flugvélar og aðrar eignir á leigu í miklum mæli og nýta sér oft á tíðum leið sölu og endurleigu við fjármögnun nýrra flugvéla. Árið 2019 var tekinn í notkun nýr reikningsskilastaðall IFRS 16 Leigusamningar sem átti að sýna betur allar þær skuldbindingar sem fyrirtæki raunverulega þurfa að standa skil á í sambandi við leigusamninga og gefa um leið gleggri mynd af reikningsskilum þeirra. Í kjölfar innleiðingar IFRS 16 þurftu fyrirtæki að færa upp eignir og skuldbindingar tengdar leigusamningum sem ekki hafði þurft að færa samkvæmt fyrri reglum. Með þessum nýju reglum var því líklegt að flugfélög sem höfðu miklar skuldbindingar vegna leigusamninga í sínum rekstri yrðu fyrir miklum áhrifum og var markmið rannsóknarinnar að meta þessi áhrif. Talið var líklegt að lággjaldaflugfélög hefðu haft meiri skuldbindingar vegna leigusamninga í sínum rekstri og var ákveðið að athuga hvort áhrifin hefðu verið meiri á lággjaldaflugfélög en hefðbundin flugfélög. Með það markmið að leiðarljósi voru ársreikningar tíu flugfélaga greindir með tilliti til upphaflegra áhrifa af innleiðingu IFRS 16. Valdir voru tveir hópar af fimm flugfélögum hvor og samanstóð annar hópurinn af hefðbundnum flugfélögum en hinn af lággjaldaflugfélögum. Margt áhugavert kom í ljós og mikilla áhrifa gætti bæði hjá lággjaldaflugfélögum og hefðbundnum flugfélögum. Einstaka félög í báðum flokkum urðu fyrir miklum áhrifum af innleiðingu staðalsins og því gátu verið mikil áhrif hvort sem félag var flokkað sem lággjaldaflugfélag eða hefðbundið flugfélag.
    Þeir útreikningar sem unnir voru við gerð þessarar rannsóknar gefa til kynna að lággjaldaflugfélög hafi í raun orðið fyrir meiri áhrifum en hefðbundin flugfélög. Í þessu úrtaki flugfélaga var þó eitt hefðbundið flugfélag sem skar sig úr og varð fyrir sérstaklega miklum áhrifum vegna innleiðingar á IFRS 16.

Samþykkt: 
  • 11.9.2020
URI: 
  • http://hdl.handle.net/1946/37055


Skrár
Skráarnafn Stærð AðgangurLýsingSkráartegund 
Áhrif innleiðingar IFRS 16 á flugfélög - Lokaskil.pdf785.87 kBOpinnHeildartextiPDFSkoða/Opna
Skemman_yfirlysing.pdf232.87 kBLokaðurYfirlýsingPDF