“Esto es sólo una asignatura optativa” Propuesta didáctica para el alumnado de la primaria

Abstract

Rannsóknin sem ritgerð þessi byggir á og unnin er til fullnustu MA gráðu í spænskukennslu snýr að þróun kennsluefnis fyrir efstu bekki grunnskóla. Ritgerðinni er skipt upp í nokkra kafla, þar sem sjónum er fyrst beint að helstu kenningum og fræðum er lúta að byrjendakennslu í tungumálum og þá spænsku sérstaklega. Því næst er sjónum beint að íslensku menntakerfi og skoðað hvernig menntamálayfirvöld varða leiðina hvað grunnskólakennslu varðar annars vegar og framhaldsskólakennslu hins vegar. Aukinheldur er fjallað sérstaklega um hvernig umræddar áherslur beinast að kennslu erlendra tungumála. Að síðustu er athyglinni beint að grunnskólastiginu – níunda og tíunda bekk - og rannsakað hverjar áherslur kennara hafa til skamms tíma verið og eru nú til dags. Enn fremur er skoðað hvaða áskoranir þeir telja brýnastar og hvaða úrlausnir þeir telja vænlegar til árangurs. Því næst eru drög að útfærslum til úrbóta kynntar. Það er von höfundar að tillögurnar megi nýtast sem flestum starfandi kennurum og/eða áhugasömum um kennslufræði, þróun kennsluefnis og spænskukennslu sérstaklega.