en English is Íslenska

Thesis (Master's)

University of Iceland > Félagsvísindasvið > Meistaraprófsritgerðir - Félagsvísindasvið >

Please use this identifier to cite or link to this item: http://hdl.handle.net/1946/37081

Title: 
  • Title is in Icelandic Kynferðisleg áreitni: Er þörf á að samræma stefnu og verklag á vinnustöðum?
Degree: 
  • Master's
Keywords: 
Abstract: 
  • Abstract is in Icelandic

    Kynferðisleg áreitni hefur ekki alltaf verið viðurkennd sem samfélagslegt vandamál þrátt fyrir að hafa verið hluti af atvinnulífi heimsins alla tíð. Vitundarvakning hefur átt sér stað síðastliðna áratugi víða um heim sem hefur leitt til aukinnar umræðu, rannsókna og fræðslu um málefnið. Með því aukast kröfur til samfélagsins að takast á við þennan vanda. Vinnustaðir bera mikla ábyrgð í því samhengi enda taka þeir almennt á móti tilkynningum sem berast um kynferðislega áreitni og vinna úr þeim. Til þess að geta beitt samræmdum og áhrifaríkum aðgerðum er æskilegast að móta og þróa stefnu og verklag sem miðast sérstaklega við kynferðislega áreitni. Þessi mikla ábyrgð getur reynst sumum vinnustöðum ofviða enda getur stefnu- og verklagsmótun krafist mikils tíma, mannafla og fjármagns.
    Meginviðfangsefni ritgerðarinnar var að rýna í kynferðislega áreitni hér á landi með áherslu á stefnu og verklag vinnustaða. Rannsóknin var framkvæmd í júlí og ágúst 2020 þar sem tekin voru viðtöl við átta starfsmenn sem koma að mannauðsmálum ólíkra vinnustaða hér á landi. Rannsóknarefnið felur í sér að fá innsýn í þá meginþætti sem einkenna stefnu og verklag vinnustaða hér á landi. Meginmarkmið rannsóknarinnar er að fá fram viðhorf og reynslu viðmælenda varðandi þessa þætti til þess að setja fram hugmynd að því hvernig má samræma stefnu og verklag. Rannsóknin var unnin út frá eigindlegri aðferðafræði til þess að öðlast dýpri skilning á viðfangsefninu.
    Meginniðurstöður rannsóknarinnar eru að þættir í tengslum við stefnu og verklag eru fjölbreyttir og mismunandi eftir vinnustöðum. Almennt tóku viðmælendur undir þörfina á að samræma stefnu og verklag í tengslum við kynferðislega áreitni en að mikilvægt væri að hafa þá annmarka í huga sem gætu skapast. Rannsakandi setti upp tillögu um það hvernig má samræma stefnu og verklag út frá ritrýni fyrirliggjandi fræðilegra gagna og niðurstöðum rannsóknarinnar. Tilgangur ritgerðarinnar er þannig bæði fræðilegur og hagnýtur.

Accepted: 
  • Sep 16, 2020
URI: 
  • http://hdl.handle.net/1946/37081


Files in This Item:
Filename Size VisibilityDescriptionFormat 
Kynferðisleg áreitni-Lokaskjal.pdf1.17 MBLocked Until...2020/10/31Complete TextPDF
Yfirlýsing um meðferð með undirskrift.pdf779.08 kBLockedDeclaration of AccessPDF