Virðingarríkt tengslauppeldi : stígðu til baka, fylgstu með og njóttu augnabliksins

Abstract

Verkefnið er lokaritgerð til BA-prófs við deild menntunar og margbreytileika. Leitast er eftir að rannsaka gildi uppeldisaðferðarinnar RIE eða Resources for infant educarers, en í íslenskri þýðingu nefnist hún Virðingarríkt tengslauppeldi. Leitað verður svara við rannsóknarspurningunni: „Hvað felst í Virðingarríku tengslauppeldi og hver er hugsanlegur ávinningur uppeldisstefnunnar?“. Vonast er eftir að þessi fræðilega samantekt á RIE geti nýst foreldrum og öðrum uppalendum til að fá betri skilning á aðferðinni, og ekki síst að foreldrar geti nýtt sér aðferðirnar í uppeldi barna sinna. Hugmyndafræðin á bakvið RIE einkennist af því að setja börnum skýr mörk af yfirvegun. Leyfa á þroskaferlum barna að eiga sér stað á náttúrulegan máta og bjóða bæði grátur og hlátur barna velkominn. Uppeldisstefnan er að vissu leyti óhefðbundin og stríðir oft á tíðum gegn því sem einstaklingar hafa sjálfir verið aldir upp við.