is Íslenska en English

Lokaverkefni (Meistara)

Háskóli Íslands > Menntavísindasvið > Meistaraprófsritgerðir - Menntavísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/37196

Titill: 
  • ,,Við erum bara nemendur"
  • Titill er á ensku "We are only students"
Námsstig: 
  • Meistara
Útdráttur: 
  • Hlutverk allra skólastiga er að stuðla að almennri menntun nemenda og virkri þátttöku þeirra í lýðræðissamfélagi. Nemendur eiga að vera færir um að tjá sig og koma skoðunum sínum á framfæri. Tilgangur rannsóknarinnar var að veita skólasamfélaginu innsýn í upplifun nemenda og löngun til að hafa áhrif á skólastarfið og þörfina á að þróa skólastarf sem byggir á virkri þátttöku nemenda. Markmiðið með rannsókninni var að afla upplýsinga um hvernig nemendur upplifa sjálfa sig sem áhrifavald í skólasamfélaginu og leita svara við því hvort nemendur telji sig hafa áhrif á málefni innan veggja skólans og þá hvernig. Fræðilegur rammi rannsóknarinnar var byggður á þeim greinum Barnasáttmála Sameinuðu þjóðanna er lúta að lýðræði og tjáningu barna, lögum og reglugerðum sem tengjast lýðræði í íslenskum skólum og hugmyndafræði og kenningum sem snúa að lýðræði og rétti barna til að hafa áhrif á nám sitt.
    Rannsóknin er eigindleg og var hún í formi viðtala við þátttakendur. Sjö nemendur á miðstigi í einum grunnskóla tóku þátt í rannsókninni. Upplifun þeirra og reynsla var skoðuð með tilliti til rannsóknarspurningarinnar: Að hvaða leyti er hlustað á nemendur og hvernig telja þeir sig geta haft áhrif á skipulagningu skólastarfsins? Í greiningarferlinu var stuðst við grundaða kenningu og horft var á gögnin frá mismunandi sjónarhornum til að geta greint þau þemu sem komu fram hjá þátttakendum út frá upplifun þeirra.
    Niðurstöður rannsóknarinnar benda til þess að þátttakendur hafi að einhverju leyti áhrif á skólastarfið, en þeim finnst þeir hafa meiri áhrif á félagsstarfið en námið. Þeir telja sig þó hafa ákveðið val í náminu, sem felst aðallega í því að velja milli verkefna og ráða í hvaða röð þeir vinna þau. Nemendurnir telja að nemendaráð skólans sé besti vettvangurinn til að koma skoðunum sínum á framfæri. Það kom þó líka fram að þeir vissu ekki til þess að það hefði verið mikið leitað til nemendaráðsins með málefni er varða nám þeirra eða aðrar breytingar. Nemendurnir leita ekki mikið eftir breytingum vegna þess að þeir telja sig ekki þurfa að ráða miklu því þeir eru nokkuð ánægðir með skólann sinn og segja námið vera fjölbreytt.
    Skólasamfélagið þarf að hvetja nemendur meira til að koma skoðunum sínum á framfæri, hlusta á þá og vinna með hugmyndir þeirra á jafnræðisgrundvelli. Nemendur hafa skoðanir á því hvernig hlutirnir eiga að vera og hvernig þeir vilja læra, og að ná fram þeirra sýn getur aukið fjölbreytileika og gæði náms. Það getur líka aukið sjálfstraust þeirra og trú á eigin getu og orðið til þess að nemendur sjái frekar tilgang með námi sínu og finni til ábyrgðar gagnvart eigin námi.

  • Útdráttur er á ensku

    The role of each educational stage is to provide students with general education and encourage their active participation in democratic society. Students should be able to express themselves and communicate their opinions. The purpose of the research was to give the school community insight into the experience of students, how they want to be able to influence schoolwork and the need for developing schoolwork with the active participation of students. The purpose of the research was to gather information about how students experience themselves as an agent of influence within the school community and seek answers to whether students feel they can influence issues within the walls of the school and, if so, in what way. The academic framework of the research was based on those articles from the United Nation‘s Convention on the Rights of Children that have to do with democracy and children‘s freedom of expression, laws and regulations that pertain to democracy in Icelandic schools and ideology and theories about democracy and children‘s right to influence their studies.
    The research was qualitative and took the form of interviews with participants. Seven students, who were about halfway through lower secondary school, participated in the research. Their views and experiences were examined in relation to the research question: To what extent are students being listened to and in what way do they feel they can influence how schoolwork is organised? The analysis was conducted using grounded theory and the data was observed from different perspectives to detect the themes that emerged from participant experiences.
    The results of the research point to students wielding some influence in school, but they feel they have greater influence over social aspects than educational ones. Yet students feel the choices they are given within their field of study mainly consist of choosing between assignments and in which order they do them. Students believe the best way to make their opinions heard is through the student council. Yet it was also revealed that students were unaware of the student council being solicited for advice when it came to changes to schoolwork or other changes. Students do not seek great changes as they feel they do not need to wield much influence, as they are fairly happy with their school and say the work provides a lot of variation.
    The school community must encourage students more to communicate their opinions, listen to them and use their ideas on the basis of equal opportunity. Students have opinions on how things should be and how they want to learn and to achieve their vision could increase the variety and quality of their education. It can also increase their self-confidence and believe in their own abilities and could result in them seeing greater purpose in their education and taking greater responsibility for it.

Samþykkt: 
  • 29.10.2020
URI: 
  • http://hdl.handle.net/1946/37196


Skrár
Skráarnafn Stærð AðgangurLýsingSkráartegund 
yfirlýsing .....Scan_elfa_202009270075_001.pdf47.87 kBLokaðurYfirlýsingPDF
Elfa Björk Jóhannsdóttir- meistaraprófsritgerð-skemman_29.09..pdf1.62 MBLokaður til...01.10.2021HeildartextiPDF