Baráttukonan Kirka: Um birtingarmynd feðraveldis í Circe eftir Madeline Miller

Abstract

Circe (2018) er önnur skáldsaga bandaríska rithöfundarins og fræðikonunnar Madeline Miller. Bókin er sögð frá sjónarhorni forngrísku goðsagnapersónunnar Kirku og byggir á forngrískum goðsögum og öðrum skáldverkum þar sem Kirka kemur við sögu, þar á meðal Ódysseifskviðu (8. öld e.Kr.) Hómers. Miller vildi með bókinni koma með nýtt sjónarhorn á persónuna Kirku og sögu hennar sem hafði áður litast af karllægum sjónarmiðum skálda fyrri alda. Í þessari ritgerð verður fjallað um skáldsögu Miller og sjónum beint að birtingarmynd feðraveldis og nauðgunarmenningar í skáldsögunni. Skoðað verður hvernig valdaleysi og kúgun kvenna birtist í verkinu með áherslu á áhrif þess á aðalpersónuna Kirku. Að lokum verður greint hvernig Kirka berst gegn nauðgunarmenningu og undirokun feðraveldisins og samhliða því verður fjallað um hvernig Miller ögrar þar með fyrri orðræðu karlhöfunda um persónuna.